ਜਲੰਧਰ ਦੇ ਵੰਦੇ ਭਾਰਤ ਐਕਸਪ੍ਰੈੱਸ ਯਾਤਰੀਆਂ ਲਈ ਰੇਲਵੇ ਵੱਲੋਂ ਇੱਕ ਵੱਡੀ ਖ਼ਬਰ ਸਾਹਮਣੇ ਆਈ ਹੈ।

Director : Manvir Singh Walia 

Editor : Jatin Kumar Sahota 

ਜਲੰਧਰ, 12ਜੂਨ : Prime Punjab 

ਜਲੰਧਰ ਤੋਂ ਰੇਲ ਯਾਤਰਾਂ ਕਰਨ ਵਾਲਿਆਂ ਲਈ ਇਕ ਮਹੱਤਵਪੂਰਨ ਜਾਣਕਾਰੀ ਸਾਹਮਣੇ ਆਇਆ ਹੈ। ਸ਼੍ਰੀ ਮਾਤਾ ਵੈਸ਼ਨੋ ਦੇਵੀ ਕਟੜਾ-ਅੰਮ੍ਰਿਤਸਰ ਵੰਦੇ ਭਾਰਤ ਐਕਸਪ੍ਰੈੱਸ ਦਾ ਰੂਟ ਬਦਲ ਦਿੱਤਾ ਗਿਆ ਹੈ।ਵੰਦੇ ਭਾਰਤ ਐਕਸਪ੍ਰੈਸ ਜਲੰਧਰ ਸਿਟੀ ਅਤੇ ਬਿਆਸ ਦੀ ਜਗ੍ਹਾ ਹੁਣ ਗੁਰਦਾਸਪੁਰ ਅਤੇ ਬਟਾਲਾ ਹੋ ਕੇ ਚੱਲੇਗੀ। ਰੇਲਵੇ ਦੇ ਨਵੇਂ ਹੁਕਮਾਂ ਅਨੁਸਾਰ ਇਹ ਵਿਵਸਥਾ 16 ਜੂਨ ਤੋਂ ਅੰਮ੍ਰਿਤਸਰ ਅਤੇ 17 ਜੂਨ ਤੋਂ ਕਟੜਾ ਤੋਂ ਲਾਗੂ ਹੋ ਜਾਵੇਗੀ। 

ਇਸ ਦੇ ਨਾਲ ਹੀ ਟਰੇਨ ਦਾ (ਨਾਨ-ਰਨਿੰਗ ਡੇਅ) ਬਦਲ ਕੇ ਮੰਗਲਵਾਰ ਦੀ ਬਜਾਏ ਸ਼ਨੀਵਾਰ ਰੱਖ ਦਿੱਤਾ ਗਿਆ ਹੈ। ਅਨੁਮਾਨ ਲਗਾਈਆ ਜਾ ਰਿਹਾ ਹੈ ਕਿ ਬਿਹਤਰ ਯਾਤਰੀ ਗਿਣਤੀ ਅਤੇ ਸੰਚਾਲਨ ਲੋੜਾਂ ਨੂੰ ਧਿਆਨ ਵਿਚ ਰੱਖਦੇ ਹੋਏ ਰੇਲਵੇ ਨੇ ਇਹ ਬਦਲਾਅ ਕੀਤਾ ਹੈ।

ਨਵੇਂ ਸ਼ੈਡਿਊਲ ਅਨੁਸਾਰ ਟ੍ਰੇਨ ਨੰਬਰ 26406 ਵੰਦੇ ਭਾਰਤ ਐਕਸਪ੍ਰੈੱਸ ਸਵੇਰੇ 6.40 ਵਜੇ ਕਟੜਾ ਤੋਂ ਰਵਾਨਾ ਹੋ ਕੇ ਦੁਪਹਿਰ 11.40 ਵਜੇ ਅੰਮ੍ਰਿਤਸਰ ਪਹੁੰਚੇਗੀ। ਉੱਥੇ ਹੀ, ਟ੍ਰੇਨ ਨੰਬਰ 26405 ਵੰਦੇ ਭਾਰਤ ਐਕਸਪ੍ਰੈੱਸ ਸ਼ਾਮ 4.40 ਵਜੇ ਅੰਮ੍ਰਿਤਸਰ ਤੋਂ ਰਵਾਨਾ ਹੋ ਕੇ ਰਾਤ 9.45 ਵਜੇ ਕਟੜਾ ਪਹੁੰਚੇਗੀ।

ਰੂਟ ਬਦਲਣ ਤੋਂ ਬਾਅਦ ਗੁਰਦਾਸਪੁਰ ਅਤੇ ਬਟਾਲਾ ਇਲਾਕੇ ਦੇ ਯਾਤਰੀਆਂ ਨੂੰ ਵੰਦੇ ਭਾਰਤ ਐਕਸਪ੍ਰੈੱਸ ਦੀ ਸਿੱਧੀ ਲਾਭ ਪ੍ਰਾਪਤੀ ਹੋਵੇਗੀ। ਜਲੰਧਰ, ਕਪੂਰਥਲਾ ਅਤੇ ਆਲੇ-ਦੁਆਲੇ ਦੇ ਇਲਾਕਿਆਂ ਦੇ ਯਾਤਰੀਆਂ ਨੂੰ ਇਸ ਟ੍ਰੇਨ ਚ ਸਫ਼ਰ ਕਰਨ ਲਈ ਦੂਜੇ ਸਟੇਸ਼ਨਾਂ ਤੇ ਜਾਣਾ ਪੈ ਸਕਦਾ ਹੈ।