Pages

Pages

ਮੁਕਤਸਰ ‘ਚ ਅੱਧੀ ਰਾਤ NCB ਦੀ ਵੱਡੀ ਦਬਿਸ਼! ਕੋਕੀਨ-ਹੈਰੋਇਨ ਵਾਲੇ ਕੋਰੀਅਰ ਦਾ ਤਾਰ ਮੁਕਤਸਰ ਨਾਲ ਜੁੜਿਆ, ਕਰਨ ਚੁੱਘ ਦੇ ਘਰੋਂ ਗੱਡੀ ਜ਼ਬਤ – ਗਿੱਦੜਬਾਹਾ ‘ਚ ਵੀ 2 ਹਿਰਾਸਤ ‘ਚ।

ਮੁਕਤਸਰ, 15 ਨਵੰਬਰ : Prime Punjab 

ਸ੍ਰੀ ਮੁਕਤਸਰ ਸਾਹਿਬ ‘ਚ ਸ਼ਨੀਵਾਰ ਦੇਰ ਰਾਤ *NCB ਦੀ ਟੀਮ* ਨੇ ਅਚਾਨਕ 2 ਥਾਵਾਂ ‘ਤੇ ਛਾਪੇ ਮਾਰ ਕੇ ਪੂਰੇ ਸ਼ਹਿਰ ‘ਚ ਹਲਚਲ ਮਚਾ ਦਿੱਤੀ। ਨਾਲ ਹੀ *ਗਿੱਦੜਬਾਹਾ* ‘ਚ ਵੀ ਇੱਕ ਥਾਂ ‘ਤੇ ਰੇਡ ਹੋਈ। ਕੇਂਦਰੀ ਟੀਮ ਨੇ ਕਈ ਘੰਟੇ ਘਰਾਂ ਦੀ ਬਾਰੀਕੀ ਨਾਲ ਤਲਾਸ਼ੀ ਲਈ ਤੇ ਰਿਕਾਰਡ ਖੰਗਾਲਿਆ।

 

ਇਹ ਕਾਰਵਾਈ ਚੰਡੀਗੜ੍ਹ ‘ਚ ਦਰਜ *NDPS ਐਕਟ ਦੇ ਕੇਸ ਨੰਬਰ 22/26* ਦੀ ਜਾਂਚ ‘ਚ ਹੋਈ ਹੈ। ਜਾਂਚ ‘ਚ ਹਿਮਾਚਲ ਦੇ ਊਨਾ ਦੇ ਰਹਿਣ ਵਾਲੇ *ਮੁਹੰਮਦ ਆਸਿਫ਼ ਯੂਸਫ਼* ਦਾ ਨਾਂ ਸਾਹਮਣੇ ਆਇਆ ਸੀ। ਉਹ ਕੁਝ ਦਿਨ ਪਹਿਲਾਂ ਚੰਡੀਗੜ੍ਹ ਤੋਂ *ਤਾਮਿਲਨਾਡੂ ਭੇਜਣ ਲਈ ਕੋਰੀਅਰ* ਬੁੱਕ ਕਰਵਾਉਣ ਗਿਆ ਸੀ, ਜਿਸ ‘ਚੋਂ *ਕੋਕੀਨ ਤੇ ਹੈਰੋਇਨ* ਨਿਕਲੀ ਸੀ।

 

ਪੁੱਛਗਿੱਛ ‘ਚ ਆਸਿਫ਼ ਨੇ ਦੱਸਿਆ ਕਿ ਉਹ ਕੋਰੀਅਰ ਮੁਕਤਸਰ ਦੇ *ਕਰਨ ਚੁੱਘ* ਦਾ ਸੀ। ਇਸੇ ਸੁਰਾਗ ‘ਤੇ NCB ਮੁਕਤਸਰ ਪਹੁੰਚੀ ਤੇ ਕਰਨ ਚੁੱਘ ਦੇ ਘਰ ਛਾਪਾ ਮਾਰ ਕੇ ਉੱਥੋਂ *ਰੂਪਨਗਰ ਨੰਬਰ ਦੀ ਇੱਕ ਗੱਡੀ* ਕਬਜ਼ੇ ‘ਚ ਲੈ ਲਈ। ਫਿਰ ਮੋਬਾਈਲ ਲੋਕੇਸ਼ਨ ਟਰੇਸ ਕਰਕੇ ਟੀਮ *ਮੌੜ ਰੋਡ* ਸਥਿਤ ਇੱਕ ਹੋਰ ਘਰ ਵੀ ਪਹੁੰਚੀ।

 

ਉੱਥੇ ਰੇਡ ਦੌਰਾਨ *2 ਵਿਅਕਤੀਆਂ ਨੂੰ ਹਿਰਾਸਤ* ‘ਚ ਲੈਣ ਦੀ ਚਰਚਾ ਹੈ, ਪਰ ਅਜੇ ਤੱਕ *ਅਧਿਕਾਰਤ ਪੁਸ਼ਟੀ ਨਹੀਂ* ਹੋਈ। ਇਹ ਵੀ ਸਾਫ਼ ਨਹੀਂ ਕਿ ਗਿੱਦੜਬਾਹਾ ਵਾਲੀ ਰੇਡ ਦਾ ਮੁਕਤਸਰ ਵਾਲੇ ਕੇਸ ਨਾਲ ਸਿੱਧਾ ਸਬੰਧ ਹੈ ਜਾਂ ਨਹੀਂ। NCB ਦੀ ਇਸ ਦਬਿਸ਼ ਤੋਂ ਬਾਅਦ ਸ਼ਹਿਰ ‘ਚ ਚਰਚਾਵਾਂ ਦਾ ਬਾਜ਼ਾਰ ਗਰਮ ਹੈ।