Pages

Pages

ਲੁਧਿਆਣਾ ‘ਚ ਅਹਾਤੇ ‘ਤੇ ਚੱਲੀ ਗੋਲੀ! ਦੋਸਤ ਦਾ ਲਾਇਸੈਂਸੀ ਹਥਿਆਰ ਦੇਖਦਿਆਂ ਅਚਾਨਕ ਚੱਲੀ ਗੋਲੀ, ਚੇਤਨ ਦੀ ਪਿੱਠ ‘ਚ ਲੱਗੀ – DMC ‘ਚ ਦਾਖ਼ਲ।

ਲੁਧਿਆਣਾ, 15 ਨਵੰਬਰ : Prime Punjab 

ਲੁਧਿਆਣਾ ਦੇ ਹਰਗੋਬਿੰਦ ਨਗਰ ਰੋਡ ਨੇੜੇ ਇੱਕ ਅਹਾਤੇ ‘ਤੇ ਦੇਰ ਰਾਤ ਗੋਲੀ ਚੱਲਣ ਦੀ ਘਟਨਾ ਨੇ ਇਲਾਕੇ ‘ਚ ਹੜਕੰਪ ਮਚਾ ਦਿੱਤਾ।

 

ਅਹਾਤੇ ‘ਤੇ ਮੌਜੂਦ *ਰਾਮ ਕਿਸ਼ਨ* ਮੁਤਾਬਕ ਰਾਤ ਕਰੀਬ *11 ਵਜੇ* ਕੁਝ ਨੌਜਵਾਨ ਆਏ। ਉਨ੍ਹਾਂ ਨੇ *ਦਹੀਂ-ਭੱਲੇ ਦਾ ਆਰਡਰ* ਦਿੱਤਾ ਤੇ ਆਪਸ ‘ਚ ਹੱਸ-ਮਜ਼ਾਕ ਕਰ ਰਹੇ ਸਨ। ਅਚਾਨਕ ਗੋਲੀ ਚੱਲੀ ਤੇ ਸਾਰੇ ਮੌਕੇ ਤੋਂ ਫਰਾਰ ਹੋ ਗਏ।

 

ਪੁਲਿਸ ਨੇ ਕੀ ਦੱਸਿਆ? ਮੌਕੇ ‘ਤੇ ਪਹੁੰਚੇ *ਥਾਣਾ 3 ਦੇ ਇੰਚਾਰਜ ਗੁਰਜੀਤ ਸਿੰਘ* ਨੇ ਦੱਸਿਆ ਕਿ ਅਹਾਤੇ ‘ਤੇ *ਚੇਤਨ ਤੇ ਵਿੱਕੀ ਵਰਮਾ* ਆਪਣੇ ਦੋਸਤਾਂ ਨਾਲ ਆਏ ਸਨ। ਦੋਵੇਂ ਆਪਣੇ ਦੋਸਤ ਦਾ *ਲਾਇਸੈਂਸੀ ਹਥਿਆਰ* ਦੇਖ ਰਹੇ ਸਨ, ਇਸ ਦੌਰਾਨ ਅਚਾਨਕ ਗੋਲੀ ਚੱਲ ਗਈ। ਗੋਲੀ ਚੇਤਨ ਦੀ ਪਿੱਠ ‘ਚ ਲੱਗੀ, ਜਿਸਨੂੰ ਇਲਾਜ ਲਈ ਦਿਆਨੰਦ ਮੈਡੀਕਲ ਕਾਲਜ (DMC) ਹਸਪਤਾਲ ‘ਚ ਦਾਖ਼ਲ ਕਰਵਾਇਆ ਗਿਆ ਹੈ।

 

ਪੁਲਿਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ ਕਿ ਗੋਲੀ ਗਲਤੀ ਨਾਲ ਚੱਲੀ ਜਾਂ ਕੋਈ ਹੋਰ ਕਾਰਨ ਸੀ।