Pages

Pages

ਕੋਟਕਪੂਰਾ ‘ਚ ਵੱਡਾ ਖ਼ਤਰਾ ਟਲਿਆ! AGTF, ਫਰੀਦਕੋਟ ਪੁਲਿਸ ਤੇ ਹਰਿਆਣਾ STF ਨੇ ਵਿਦੇਸ਼ੀ ਗੈਂਗਸਟਰ ਦੇ 4 ਗੁਰਗੇ ਦਬੋਚੇ।

ਕੋਟਕਪੂਰਾ, 16 ਨਵੰਬਰ : Prime Punjab 

ਪੰਜਾਬ ‘ਚ ਗੈਂਗਸਟਰਾਂ ਖ਼ਿਲਾਫ਼ ਵੱਡੀ ਕਾਰਵਾਈ ਹੋਈ ਹੈ। AGTF ਪੰਜਾਬ, ਫਰੀਦਕੋਟ ਪੁਲਿਸ ਤੇ STF ਹਰਿਆਣਾ ਦੀ ਸਾਂਝੀ ਟੀਮ ਨੇ ਵਿਦੇਸ਼ ‘ਚ ਬੈਠੇ ਗੈਂਗਸਟਰ ਨਾਲ ਜੁੜੇ 4 ਸਾਥੀਆਂ ਨੂੰ ਕਾਬੂ ਕਰ ਲਿਆ। ਇਨ੍ਹਾਂ ਕੋਲੋਂ *3 ਪਿਸਤੌਲ (1 – .32 ਬੋਰ, 2 – .30 ਬੋਰ) ਤੇ 11 ਜ਼ਿੰਦਾ ਕਾਰਤੂਸ* ਬਰਾਮਦ ਹੋਏ ਹਨ।

 

ਜਾਂਚ ‘ਚ ਸਾਹਮਣੇ ਆਇਆ ਹੈ ਕਿ ਮੁਲਜ਼ਮ ਵਿਦੇਸ਼ੀ ਗੈਂਗਸਟਰ ਦੇ ਹੁਕਮ ‘ਤੇ *ਕੋਟਕਪੂਰਾ ‘ਚ 2 ਲੋਕਾਂ ਦਾ ਕਤਲ* ਕਰਨ ਦੀ ਤਿਆਰੀ ‘ਚ ਸਨ। ਸਮੇਂ ਸਿਰ ਪੁਲਿਸ ਨੇ ਉਨ੍ਹਾਂ ਨੂੰ ਫੜ ਕੇ ਵੱਡੀ ਵਾਰਦਾਤ ਨੂੰ ਰੋਕ ਦਿੱਤਾ। ਮਾਮਲਾ *ਥਾਣਾ ਸਦਰ ਕੋਟਕਪੂਰਾ* ‘ਚ ਦਰਜ ਕੀਤਾ ਗਿਆ ਹੈ।

 

ਫੜੇ ਗਏ ਚਾਰੇ ਮੁਲਜ਼ਮ ਪਹਿਲਾਂ ਤੋਂ ਹੀ ਅਪਰਾਧੀ ਹਨ, ਉਨ੍ਹਾਂ ਖ਼ਿਲਾਫ਼ ਪਹਿਲਾਂ ਵੀ ਕਈ ਕੇਸ ਦਰਜ ਹਨ। ਪੁਲਿਸ ਹੁਣ ਇਹ ਪਤਾ ਲਗਾ ਰਹੀ ਹੈ ਕਿ ਉਨ੍ਹਾਂ ਨੂੰ ਹਥਿਆਰ ਕਿਸ ਨੇ ਦਿੱਤੇ, ਪੈਸਾ ਕਿੱਥੋਂ ਆਇਆ ਤੇ ਹੋਰ ਕਿਹੜੇ ਟਾਰਗੇਟ ਸਨ।

 

ਪੰਜਾਬ ਪੁਲਿਸ ਦਾ ਕਹਿਣਾ ਹੈ ਕਿ ਗੈਂਗਸਟਰ ਨੈੱਟਵਰਕ ਨੂੰ ਤੋੜਨਾ ਤੇ ਟਾਰਗੇਟ ਕਿਲਿੰਗ ਰੋਕਣਾ ਪਹਿਲੀ ਤਰਜੀਹ ਹੈ। ਇਸ ਗ੍ਰਿਫ਼ਤਾਰੀ ਨਾਲ ਕੋਟਕਪੂਰਾ ‘ਚ ਦਹਿਸ਼ਤ ਫੈਲਾਉਣ ਦੀ ਕੋਸ਼ਿਸ਼ ਨਾਕਾਮ ਹੋ ਗਈ ਹੈ।