Director : Manvir Singh Walia
Editor : Jatin Kumar Sahota
ਜਲੰਧਰ, 22 ਜੂਨ : Prime Punjab
ਜਲੰਧਰ ਕੈਂਟ ਅਤੇ ਕੇਂਦਰੀ ਹਲਕੇ ਦੀ ਜਨਤਾ ਲਈ ਵੱਡੀ ਖੁਸ਼ਖਬਰੀ। ਬੱਸ ਸਟੈਂਡ-ਗੜ੍ਹਾ ਰੋਡ ਫਾਟਕ ਅਤੇ ਗੁਰੂ ਨਾਨਕ ਪੁਰਾ ਫਾਟਕ ‘ਤੇ 112 ਕਰੋੜ ਰੁਪਏ ਦੀ ਲਾਗਤ ਨਾਲ ਓਵਰਬ੍ਰਿਜ਼ ਮਨਜ਼ੂਰ ਹੋ ਗਏ। ਦੋਵਾਂ ਪ੍ਰੋਜੈਕਟਾਂ ਦੇ ਟੈਂਡਰ ਜਾਰੀ ਹੋ ਚੁੱਕੇ ਹਨ।
ਭਾਜਪਾ ਦਾ ਕਾਂਗਰਸ ‘ਤੇ ਵਾਰ:
ਭਾਜਪਾ ਪ੍ਰਧਾਨ ਸੁਸ਼ੀਲ ਸ਼ਰਮਾ, ਕੈਂਟ ਇੰਚਾਰਜ ਅਸ਼ੋਕ ਸਰੀਨ ਹਿੱਕੀ ਅਤੇ ਮਹਾਂਮੰਤਰੀ ਅਮਰਜੀਤ ਸਿੰਘ ਗੋਲਡੀ ਨੇ ਕਿਹਾ ਕਿ ਕਾਂਗਰਸ ਨੇ ਦਹਾਕਿਆਂ ਤੱਕ ਜਲੰਧਰ ਨੂੰ ਫਾਟਕਾਂ ਦੇ ਜਾਮ ‘ਚ ਫਸਾਈ ਰੱਖਿਆ। ਇਹ ਕੰਮ ਉਨ੍ਹਾਂ ਦੇ ਵੱਸ ਦੀ ਗੱਲ ਨਹੀਂ ਸੀ।
ਪ੍ਰੋਜੈਕਟ:
ਗੁਰੂ ਨਾਨਕ ਪੁਰਾ B-67 ਫਾਟਕ ‘ਤੇ 49 ਕਰੋੜ ਅਤੇ ਪਿਮਜ਼ ਹਸਪਤਾਲ ਤੇ ਬੱਸ ਸਟੈਂਡ ਨੇੜੇ S-4 ਫਾਟਕ ‘ਤੇ 63 ਕਰੋੜ ਰੁਪਏ ਲੱਗਣਗੇ। ਇਹ ਓਵਰਬ੍ਰਿਜ਼ ਰੇਲ ਮੰਤਰੀ ਅਸ਼ਵਿਨੀ ਵੈਸ਼ਨਵ ਅਤੇ ਕੇਂਦਰੀ ਰਾਜ ਮੰਤਰੀ ਰਵਨੀਤ ਬਿੱਟੂ ਦੇ ਯਤਨਾਂ ਨਾਲ ਮਨਜ਼ੂਰ ਹੋਏ।
ਜਲਦ ਹੋਵੇਗਾ ਉਦਘਾਟਨ:
ਭਾਜਪਾ ਆਗੂਆਂ ਨੇ ਦੱਸਿਆ ਕਿ ਕੇਂਦਰੀ ਰੇਲ ਰਾਜ ਮੰਤਰੀ ਰਵਨੀਤ ਬਿੱਟੂ ਜਲਦੀ ਹੀ ਦੋਵਾਂ ਪ੍ਰੋਜੈਕਟਾਂ ਦਾ ਉਦਘਾਟਨ ਕਰਨਗੇ। ਇਸ ਨਾਲ ਵਿਦਿਆਰਥੀਆਂ, ਕਰਮਚਾਰੀਆਂ, ਵਪਾਰੀਆਂ ਅਤੇ ਮਰੀਜ਼ਾਂ ਨੂੰ ਰੋਜ਼ਾਨਾ ਦੇ ਜਾਮ ਤੋਂ ਮੁਕਤੀ ਮਿਲੇਗੀ।
ਭਾਜਪਾ ਦਾ ਦਾਅਵਾ:
ਆਗੂਆਂ ਨੇ ਕਿਹਾ ਕਿ ਇਹ ਕਾਂਗਰਸ ਦੀ ਨਿਕੰਮੀ ਰਾਜਨੀਤੀ ‘ਤੇ ਜਨਤਾ ਦੀ ਜਿੱਤ ਅਤੇ ਮੋਦੀ ਸਰਕਾਰ ਦੇ ਵਿਕਾਸ ਮਾਡਲ ਦੀ ਮੋਹਰ ਹੈ। ਭਾਜਪਾ ਦਾ ਵਾਅਦਾ ਹੈ ਕਿ ਜਲੰਧਰ ਦੀ ਹਰ ਅਟਕੀ ਸਮੱਸਿਆ ਦਾ ਹੱਲ ਕਰਵਾਇਆ ਜਾਵੇਗਾ।





More Stories
ਪੰਜਾਬ ‘ਚ 274 DSP-ACP ਦੇ ਤਬਾਦਲੇ, ਜਲੰਧਰ ‘ਚ ਵੀ ਵੱਡੀ ਫੇਰਬਦਲ।
ਜਲੰਧਰ ‘ਚ ਨਹਿਰ ‘ਚੋਂ ਮਿਲੀ ਨੌਜਵਾਨ ਦੀ ਲਾਸ਼, ਪਰਿਵਾਰ ਨੇ ਕਤਲ ਕਰਕੇ ਲਾਸ਼ ਸੁੱਟਣ ਦਾ ਲਾਇਆ ਦੋਸ਼।
ਡੀ.ਏ.ਵੀ. ਯੂਨੀਵਰਸਿਟੀ ‘ਚ ਏ.ਆਈ.ਯੂ. ਉੱਤਰੀ ਜ਼ੋਨ ਵਾਲੀਬਾਲ ਚੈਂਪੀਅਨਸ਼ਿਪ ਸ਼ੁਰੂ, 97 ਯੂਨੀਵਰਸਿਟੀਆਂ ਦੀਆਂ ਟੀਮਾਂ ਲੈ ਰਹੀਆਂ ਭਾਗ।