ਸਲੇਮਪੁਰ ਰੋਡ ਫਾਇਰਿੰਗ ਕਾਂਡ ਸੁਲਝਿਆ: ਆਰੀਆਨ ਕਲੀਨਿਕ ‘ਤੇ ਗੋਲੀ ਚਲਾਉਣ ਵਾਲਾ ਗ੍ਰਿਫ਼ਤਾਰ।

Director : Manvir Singh Walia 

Editor : Jatin Kumar Sahota 

ਜਲੰਧਰ, 23 ਜੂਨ : Prime Punjab

ਥਾਣਾ ਡਵੀਜ਼ਨ ਨੰਬਰ 1 ਜਲੰਧਰ ਦੀ ਟੀਮ ਨੇ 20-06-2026 ਨੂੰ ਸਲੇਮਪੁਰ ਰੋਡ ਨੇੜੇ ਫਰੇਟ ਵਾਸ਼ਿੰਗ ਸੈਂਟਰ ਸਥਿਤ ਆਰੀਆਨ ਹੋਮਿਓਪੈਥਿਕ ਕਲੀਨਿਕ ‘ਤੇ ਫਾਇਰ ਕਰਨ ਵਾਲੇ ਦੋਸ਼ੀ ਨੂੰ ਗ੍ਰਿਫ਼ਤਾਰ ਕੀਤਾ। ਇਹ ਕਾਰਵਾਈ ਕਮਿਸ਼ਨਰ ਸਤਿੰਦਰ ਸਿੰਘ, IPS ਦੇ ਨਿਰਦੇਸ਼ਾਂ ਹੇਠ ਕੀਤੀ ਗਈ।

22.06.2026 ਨੂੰ ਡਾ. ਸੰਦੀਪ ਸ਼ਰਮਾ ਦੀ ਸ਼ਿਕਾਇਤ ‘ਤੇ ਮੁਕਦਮਾ ਨੰਬਰ 185 ਦਰਜ ਹੋਇਆ। ਸ਼ਿਕਾਇਤ ਮੁਤਾਬਕ 20.06.2026 ਨੂੰ ਸ਼ਾਮ 8:30 ਵਜੇ ਉਨ੍ਹਾਂ ਦੀ ਪਤਨੀ ਡਾ. ਵਿਸਮਜੀਤ ਕੌਰ ਵੱਲੋਂ ਕਲੀਨਿਕ ਬੰਦ ਕਰਨ ਤੋਂ ਬਾਅਦ, 22-06-2026 ਨੂੰ ਸ਼ਟਰ ਖੋਲ੍ਹਣ ‘ਤੇ ਸ਼ੀਸ਼ੇ ‘ਤੇ ਗੋਲੀ ਲੱਗਣ ਦਾ ਨਿਸ਼ਾਨ ਮਿਲਿਆ।

ਇਸ ਮਾਮਲੇ ਵਿੱਚ ਬੀ.ਐਨ.ਐਸ ਦੀ ਧਾਰਾ 125, 324(3) ਅਤੇ ਆਰਮਜ਼ ਐਕਟ ਦੀ ਧਾਰਾ 25-54-59 ਤਹਿਤ ਥਾਣਾ ਡਵੀਜ਼ਨ ਨੰਬਰ 1 ਜਲੰਧਰ ਵਿੱਚ ਕੇਸ ਦਰਜ ਕੀਤਾ ਗਿਆ ਹੈ।

ਪੁਲਿਸ ਨੇ ਗੁਰਪਾਲ ਸਿੰਘ ਪੁੱਤਰ ਹਰਦੀਪ ਸਿੰਘ, ਵਾਸੀ 85 ਅਸ਼ੋਕ ਵਿਹਾਰ ਕਲੋਨੀ, ਨੇੜੇ ਵੇਰਕਾ ਮਿਲਕ ਪਲਾਂਟ ਜਲੰਧਰ ਨੂੰ ਗ੍ਰਿਫ਼ਤਾਰ ਕੀਤਾ ਹੈ। ਦੋਸ਼ੀ ਨੂੰ ਮਾਣਯੋਗ ਅਦਾਲਤ ਵਿੱਚ ਪੇਸ਼ ਕੀਤਾ ਜਾਵੇਗਾ।