ਆਪ੍ਰੇਸ਼ਨ ਪ੍ਰਹਾਰ 3.0: ਜਲੰਧਰ ਦਿਹਾਤੀ ਪੁਲਿਸ ਦੀ ਵੱਡੀ ਕਾਰਵਾਈ, 300 ਤੋਂ ਵੱਧ ਅਪਰਾਧਿਕ ਤੱਤਾਂ ਖ਼ਿਲਾਫ਼ ਕੇਸ, 347 ਗ੍ਰਾਮ ਹੈਰੋਇਨ ਬਰਾਮਦ।

Director : Manvir Singh Walia 

Editor : Jatin Kumar Sahota 

ਜਲੰਧਰ, 13 ਜੁਲਾਈ : Prime Punjab 

ਪੰਜਾਬ ਸਰਕਾਰ ਅਤੇ ਡੀਜੀਪੀ ਦੇ ਨਿਰਦੇਸ਼ਾਂ ‘ਤੇ ਜਲੰਧਰ ਦਿਹਾਤੀ ਪੁਲਿਸ ਨੇ ਅੱਜ 13 ਜੁਲਾਈ 2026 ਤੋਂ “ਆਪ੍ਰੇਸ਼ਨ ਪ੍ਰਹਾਰ 3.0” ਸ਼ੁਰੂ ਕੀਤਾ। ਇਸ ਮੁਹਿੰਮ ਦਾ ਮਕਸਦ ਗੈਂਗਸਟਰਾਂ, ਭਗੌੜੇ ਅਪਰਾਧੀਆਂ, ਲੋੜੀਂਦੇ ਮੁਲਜ਼ਮਾਂ, ਜ਼ਮਾਨਤ ‘ਤੇ ਬਾਹਰ ਆਏ ਅਪਰਾਧੀਆਂ ਅਤੇ ਨਸ਼ਾ ਤਸਕਰਾਂ ਖ਼ਿਲਾਫ਼ ਸਖ਼ਤ ਕਾਰਵਾਈ ਕਰਨਾ ਹੈ। ਆਪ੍ਰੇਸ਼ਨ ਦੀ ਅਗਵਾਈ DIG ਜਲੰਧਰ ਰੇਂਜ ਨਵੀਨ ਸਿੰਗਲਾ ਕਰ ਰਹੇ ਹਨ ਅਤੇ SSP ਹਰਵਿੰਦਰ ਸਿੰਘ ਵਿਰਕ ਨੇ ਖੁਦ ਮੌਕੇ ‘ਤੇ ਜਾ ਕੇ ਜਾਇਜ਼ਾ ਲਿਆ।

ਆਪ੍ਰੇਸ਼ਨ ਦੇ ਪਹਿਲੇ ਦਿਨ ਹੀ ਜਲੰਧਰ ਦਿਹਾਤੀ ਪੁਲਿਸ ਨੇ 300 ਤੋਂ ਵੱਧ ਅਪਰਾਧਿਕ ਤੱਤਾਂ ਖ਼ਿਲਾਫ਼ ਕਾਰਵਾਈ ਕੀਤੀ। ਇਸ ਦੌਰਾਨ 75 ਰੇਡਾਂ, 34 FIR ਦਰਜ, 36 ਨਵੇਂ ਮੁਲਜ਼ਮ ਗ੍ਰਿਫ਼ਤਾਰ, 71 ਲੋੜੀਂਦੇ ਮੁਲਜ਼ਮ ਅਤੇ 11 ਭਗੌੜੇ ਕਾਬੂ ਕੀਤੇ ਗਏ। ਇਸ ਦੇ ਨਾਲ 65 ਰੋਕਥਾਮੀ ਕਾਰਵਾਈਆਂ, 12 ਹਿਸਟਰੀਸ਼ੀਟਰਾਂ ਦੀ ਤਸਦੀਕ ਅਤੇ 9 ਡੋਜ਼ੀਅਰ ਤਿਆਰ ਕੀਤੇ ਗਏ।

ਪੁਲਿਸ ਨੇ ਵੱਡੀ ਮਾਤਰਾ ‘ਚ ਨਸ਼ੀਲਾ ਸਮਾਨ ਵੀ ਬਰਾਮਦ ਕੀਤਾ। ਕਾਰਵਾਈ ਦੌਰਾਨ 347 ਗ੍ਰਾਮ ਹੈਰੋਇਨ, 182 ਨਸ਼ੀਲੀਆਂ ਗੋਲੀਆਂ, 15 ਲੀਟਰ 750 ਮਿਲੀਲੀਟਰ ਨਾਜਾਇਜ਼ ਸ਼ਰਾਬ, 2 ਮੋਟਰਸਾਈਕਲ ਜ਼ਬਤ ਕੀਤੇ ਗਏ। NDPS ਐਕਟ ਤਹਿਤ 31 ਕੇਸ ਅਤੇ Excise ਐਕਟ ਤਹਿਤ 3 ਕੇਸ ਦਰਜ ਕਰਕੇ ਕੁੱਲ 36 ਮੁਲਜ਼ਮ ਗ੍ਰਿਫ਼ਤਾਰ ਕੀਤੇ ਗਏ। ਨਾਲ ਹੀ 370 ਟ੍ਰੈਫ਼ਿਕ ਚਲਾਨ ਅਤੇ 51 ਵਾਹਨ ਇੰਪਾਊਂਡ ਕੀਤੇ ਗਏ।

SSP ਨੇ ਦੱਸਿਆ ਕਿ ਜ਼ਿਲ੍ਹੇ ‘ਚ ਕੋਰਡਨ ਐਂਡ ਸਰਚ ਆਪ੍ਰੇਸ਼ਨ ਵੀ ਚਲਾਇਆ ਗਿਆ। ਪੁਲਿਸ ਨੇ ਸੁੰਨਸਾਨ ਥਾਵਾਂ, ਛੱਡੀਆਂ ਇਮਾਰਤਾਂ ਅਤੇ ਨਸ਼ਿਆਂ ਦੇ ਹਾਟਸਪਾਟ ‘ਤੇ ਛਾਪੇਮਾਰੀ ਕੀਤੀ। ਰਾਤ ਸਮੇਂ ਡੋਮੀਨੇਸ਼ਨ ਵਧਾ ਦਿੱਤੀ ਗਈ ਹੈ ਅਤੇ ਅਹਿਮ ਥਾਵਾਂ ‘ਤੇ ਸਪੈਸ਼ਲ ਨਾਕੇ ਲਗਾਏ ਗਏ ਹਨ। ਜ਼ਿਲ੍ਹੇ ‘ਚ 112 ERV ਵਾਹਨ 24 ਘੰਟੇ ਗਸ਼ਤ ਕਰ ਰਹੇ ਹਨ।

SSP ਹਰਵਿੰਦਰ ਸਿੰਘ ਵਿਰਕ ਨੇ ਲੋਕਾਂ ਨੂੰ ਭਰੋਸਾ ਦਿੱਤਾ ਕਿ ਗੈਂਗਸਟਰ, ਨਸ਼ਾ ਤਸਕਰੀ ਜਾਂ ਫਿਰੌਤੀ ਦੀ ਜਾਣਕਾਰੀ ਦੇਣ ਵਾਲਿਆਂ ਦੀ ਪਛਾਣ ਗੁਪਤ ਰੱਖੀ ਜਾਵੇਗੀ। ਕਿਸੇ ਵੀ ਐਮਰਜੈਂਸੀ ਲਈ 112 ‘ਤੇ ਕਾਲ ਕਰਨ ਦੀ ਅਪੀਲ ਕੀਤੀ ਗਈ। ਪੁਲਿਸ ਨੇ ਕਿਹਾ ਕਿ ਕਾਨੂੰਨ-ਵਿਵਸਥਾ ਨੂੰ ਮਜ਼ਬੂਤ ਕਰਨ ਲਈ ਇਹ ਆਪ੍ਰੇਸ਼ਨ ਲਗਾਤਾਰ ਜਾਰੀ ਰਹੇਗਾ।