Director : Manvir Singh Walia
Editor : Jatin Kumar Sahota
ਜਲੰਧਰ, 14 ਜੁਲਾਈ : Prime Punjab
ਕੇਂਦਰ ਸਰਕਾਰ ਨੇ ਦੇਸ਼ ਭਰ ਦੇ ਕਰੋੜਾਂ ਵਾਹਨ ਚਾਲਕਾਂ ਨੂੰ ਵੱਡੀ ਰਾਹਤ ਦਿੱਤੀ ਹੈ। ਸੜਕ ਆਵਾਜਾਈ ਮੰਤਰਾਲੇ ਨੇ 1 ਅਕਤੂਬਰ 2026 ਤੋਂ ਦੇਸ਼ ਭਰ ‘ਚ 80 ਤੋਂ ਵੱਧ ਗੈਰ-ਕਾਨੂੰਨੀ ਟੋਲ ਪਲਾਜ਼ੇ ਬੰਦ ਕਰਨ ਦਾ ਫੈਸਲਾ ਲਿਆ ਹੈ। ਇਹ ਫੈਸਲਾ ਮੰਤਰਾਲੇ ਦੀ ਤਾਜ਼ਾ ਆਡਿਟ ਰਿਪੋਰਟ ਤੋਂ ਬਾਅਦ ਲਿਆ ਗਿਆ ਹੈ।
ਆਡਿਟ ‘ਚ ਪਤਾ ਲੱਗਾ ਕਿ ਕਈ ਟੋਲ ਆਪਰੇਟਰ ਪੂੰਜੀ ਲਾਗਤ ਵਸੂਲਣ ਤੋਂ ਬਾਅਦ ਵੀ 100% ਟੋਲ ਵਸੂਲ ਰਹੇ ਸਨ। ਨਿਯਮਾਂ ਅਨੁਸਾਰ ਲਾਗਤ ਪੂਰੀ ਹੋਣ ‘ਤੇ ਟੋਲ ‘ਚ 60% ਤੱਕ ਦੀ ਕਟੌਤੀ ਹੋਣੀ ਚਾਹੀਦੀ ਹੈ। ਆਪਰੇਟਰ ਨਵੇਂ ਫਲਾਈਓਵਰ, ਅੰਡਰਪਾਸ ਦਾ ਬਹਾਨਾ ਬਣਾ ਕੇ ਲਾਗਤ ਵਧਾ ਦਿੰਦੇ ਸਨ। ਇਸ ਤੋਂ ਇਲਾਵਾ 60 KM ਦੇ ਨਿਯਮ ਦੀ ਉਲੰਘਣਾ ਕਰਕੇ ਸਬ-ਟੋਲ ਵੀ ਲਗਾਏ ਗਏ ਸਨ।
ਸਰਕਾਰ ਇਨ੍ਹਾਂ ਟੋਲਾਂ ਨੂੰ ਦੋ ਪੜਾਵਾਂ ‘ਚ ਬੰਦ ਕਰੇਗੀ। ਪਹਿਲੇ ਪੜਾਅ ‘ਚ 35 ਟੋਲ ਪਲਾਜ਼ੇ, ਜਿਨ੍ਹਾਂ ਦੇ ਇਕਰਾਰਨਾਮੇ ਖਤਮ ਹੋ ਚੁੱਕੇ ਹਨ, ਅਕਤੂਬਰ 2026 ਤੱਕ ਬੰਦ ਹੋ ਜਾਣਗੇ। ਦੂਜੇ ਪੜਾਅ ‘ਚ ਬਾਕੀ ਬਚੇ ਗੈਰ-ਕਾਨੂੰਨੀ ਟੋਲਾਂ ਨੂੰ 31 ਦਸੰਬਰ 2026 ਤੱਕ ਹਟਾ ਦਿੱਤਾ ਜਾਵੇਗਾ।
ਇਸ ਫੈਸਲੇ ਦਾ ਸਭ ਤੋਂ ਵੱਧ ਫਾਇਦਾ ਉੱਤਰ ਪ੍ਰਦੇਸ਼, ਦਿੱਲੀ, ਬਿਹਾਰ, ਉਤਰਾਖੰਡ ਅਤੇ ਦੱਖਣੀ ਭਾਰਤ ਦੇ ਹਾਈਵੇਅ ਵਰਤਣ ਵਾਲਿਆਂ ਨੂੰ ਹੋਵੇਗਾ। ਇਨ੍ਹਾਂ ਰਾਜਾਂ ‘ਚ ਸਭ ਤੋਂ ਵੱਧ ਗੈਰ-ਕਾਨੂੰਨੀ ਟੋਲ ਪਾਏ ਗਏ ਹਨ। ਸਰਕਾਰ ਦਾ ਕਹਿਣਾ ਹੈ ਕਿ ਹੁਣ ਨੈਸ਼ਨਲ ਹਾਈਵੇਅ ‘ਤੇ ਸਫਰ ਸਸਤਾ ਅਤੇ ਆਸਾਨ ਹੋਵੇਗਾ।


More Stories
ਡੀ.ਏ.ਵੀ. ਯੂਨੀਵਰਸਿਟੀ ‘ਚ ਏ.ਆਈ.ਯੂ. ਉੱਤਰੀ ਜ਼ੋਨ ਵਾਲੀਬਾਲ ਚੈਂਪੀਅਨਸ਼ਿਪ ਸ਼ੁਰੂ, 97 ਯੂਨੀਵਰਸਿਟੀਆਂ ਦੀਆਂ ਟੀਮਾਂ ਲੈ ਰਹੀਆਂ ਭਾਗ।
ASI ਇਕਬਾਲ ਸਿੰਘ ਕਤਲ ਕੇਸ ‘ਚ AGTF ਨੂੰ ਵੱਡੀ ਸਫਲਤਾ, ਦੂਜਾ ਸ਼ੂਟਰ ਅੰਮ੍ਰਿਤਸਰ ਤੋਂ ਗ੍ਰਿਫ਼ਤਾਰ, ਦੋਵੇਂ ਸ਼ੂਟਰ ਕਾਬੂ।
ਗੁਰੂ ਨਾਨਕ ਦੇਵ ਜੀ ਦੇ ਪ੍ਰਕਾਸ਼ ਪੁਰਬ ਮੌਕੇ ਵਿਸ਼ਾਲ ਨਗਰ ਕੀਰਤਨ ਦਾ ਭਾਜਪਾ ਨੇ ਕੀਤਾ ਸ਼ਾਨਦਾਰ ਸਵਾਗਤ, ਫੁੱਲਾਂ ਦੀ ਵਰਖਾ ਤੇ ਪ੍ਰਸ਼ਾਦ ਵੰਡਿਆ।