ਅੰਮ੍ਰਿਤਸਰ: 5 ਸਿਤਾਰਾ ਹੋਟਲ ‘ਚ ਭਿਆਨਕ ਅੱਗ, ਜਨਰੇਟਰ ‘ਚ ਬਲਾਸਟ।

ਜਲੰਧਰ/ ਅੰਮ੍ਰਿਤਸਰ, 17 ਜੁਲਾਈ : Prime Punjab 

ਅੰਮ੍ਰਿਤਸਰ – ਦੁਪਹਿਰ ਦਾ ਸਮਾਂ ਸੀ। ਅਚਾਨਕ ਮਾਲ ਰੋਡ ਦੇ 5 ਸਿਤਾਰਾ ਹੋਟਲ ‘ਚ ਧਮਾਕੇ ਦੀ ਆਵਾਜ਼ ਗੂੰਜੀ। ਜਨਰੇਟਰ ਫਟਿਆ ਅਤੇ ਪਲਾਂ ‘ਚ ਅੱਗ ਦੀਆਂ ਲਪਟਾਂ ਅਸਮਾਨ ਵੱਲ ਉੱਠਣ ਲੱਗੀਆਂ। ਹੋਟਲ ‘ਚ ਹਫੜਾ-ਦਫੜੀ ਮਚ ਗਈ। ਸਟਾਫ ਭੱਜ-ਭੱਜ ਕੇ ਮਹਿਮਾਨਾਂ ਨੂੰ ਬਾਹਰ ਕੱਢਣ ਲੱਗਾ। ਇਕ ਸਟਾਫ ਮੈਂਬਰ ਨੇ ਅੱਗ ਬੁਝਾਊ ਯੰਤਰ ਨਾਲ ਅੱਗ ਬੁਝਾਉਣ ਦੀ ਕੋਸ਼ਿਸ਼ ਵੀ ਕੀਤੀ, ਪਰ ਅੱਗ ਇੰਨੀ ਭਿਆਨਕ ਸੀ ਕਿ ਉਸ ਅੱਗੇ ਕੁਝ ਨਾ ਚੱਲਿਆ।  

ਸਭ ਤੋਂ ਵੱਡੀ ਗੱਲ ਇਹ ਕਿ ਇੰਨੇ ਸਮੇਂ ਬਾਅਦ ਵੀ ਫਾਇਰ ਬ੍ਰਿਗੇਡ ਦੀ ਕੋਈ ਗੱਡੀ ਨਹੀਂ ਪਹੁੰਚੀ। ਜਦਕਿ ਹੋਟਲ ਦੇ ਨਾਲ ਹੀ ਪੁਲਸ ਕਮਿਸ਼ਨਰ ਦਾ ਘਰ ਹੈ। ਇਸ ਕਾਰਨ ਲੋਕਾਂ ‘ਚ ਰੋਸ ਹੈ। ਟ੍ਰੈਫਿਕ ਪੁਲਸ ਨੇ ਇਲਾਕਾ ਘੇਰ ਲਿਆ ਹੈ।  

ਹੁਣ ਮਾਲ ਰੋਡ ‘ਤੇ ਲੋਕਾਂ ਦਾ ਇਕੱਠ ਲੱਗ ਗਿਆ ਹੈ। ਹਰ ਕੋਈ ਮੋਬਾਈਲ ਕੱਢ ਕੇ ਵੀਡੀਓ ਬਣਾ ਰਿਹਾ ਹੈ। ਇਹ ਖਬਰ ਸੋਸ਼ਲ ਮੀਡੀਆ ‘ਤੇ ਵੀ ਵਾਇਰਲ ਹੋ ਰਹੀ ਹੈ। ਹੁਣ ਦੇਖਣਾ ਇਹ ਹੈ ਕਿ ਪ੍ਰਸ਼ਾਸਨ ਇਸ ਦੇਰੀ ਦਾ ਜਵਾਬ ਕੀ ਦਿੰਦਾ ਹੈ ਅਤੇ ਨੁਕਸਾਨ ਕਿੰਨਾ ਹੋਇਆ ਹੈ।