ਸੰਗਰੂਰ ‘ਚ ਦਰਦਨਾਕ ਹਾਦਸਾ: ਮੋਟਰਸਾਈਕਲ ‘ਤੇ ਸਕੂਲ ਜਾ ਰਹੇ 2 ਮੁੰਡਿਆਂ ਨੂੰ ਬੱਸ ਨੇ ਦਰੜਿਆ।

Senior : Birkamal Singh Walia 

Editor : Jatin Kumar Sahota 

ਜਲੰਧਰ, 30 ਜੁਲਾਈ : Prime Punjab 

ਸੰਗਰੂਰ, ਵੀਰਵਾਰ ਸਵੇਰ ਜਾਖਲ ਰੋਡ ‘ਤੇ ਪਿੰਡ ਖਾਨੇਵਾਲ ਨੇੜੇ ਸਕੂਲ ਬੱਸ ਦੀ ਟੱਕਰ ਨਾਲ 2 ਵਿਦਿਆਰਥੀਆਂ ਦੀ ਮੌਕੇ ‘ਤੇ ਮੌਤ ਹੋ ਗਈ।

ਪਿੰਡ ਹਰਿਆਊ ਕਲਾਂ ਦੇ ਰਹਿਣ ਵਾਲੇ ਮੋਹਿਤ ਕੁਮਾਰ ਅਤੇ ਪ੍ਰਿੰਸ ਕੁਮਾਰ ਮੋਟਰਸਾਈਕਲ ‘ਤੇ ਪਿੰਡ ਬੰਗਾ ਦੇ ਸੀਨੀਅਰ ਸੈਕੰਡਰੀ ਸਕੂਲ ਜਾ ਰਹੇ ਸਨ। ਮੂਣਕ ਨੇੜਲੇ ਹਮੀਰਗੜ੍ਹ ਦੇ ਬਚਪਨ ਇੰਟਰਨੈਸ਼ਨਲ ਪਬਲਿਕ ਸਕੂਲ ਦੀ ਬੱਸ ਨੇ ਉਨ੍ਹਾਂ ਨੂੰ ਦਰੜ ਦਿੱਤਾ ਅਤੇ ਕਰੀਬ 50 ਫੁੱਟ ਘੜੀਸਦੀ ਲੈ ਗਈ।

ਥਾਣਾ ਪਾਤੜਾਂ ਦੇ ਇੰਸਪੈਕਟਰ ਗਗਨਦੀਪ ਸਿੰਘ ਨੇ ਮੌਕੇ ‘ਤੇ ਪਹੁੰਚ ਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਪਰਿਵਾਰਾਂ ਦਾ ਦੋਸ਼ ਹੈ ਕਿ 25 ਸੀਟਾਂ ਵਾਲੀ ਬੱਸ ‘ਚ 45 ਬੱਚੇ ਭਰੇ ਹੋਏ ਸਨ। ਲੋਕਾਂ ਨੇ ਪਾਤੜਾਂ-ਜਾਖਲ ਰੋਡ ਜਾਮ ਕਰਕੇ ਦੋਸ਼ੀਆਂ ਖਿਲਾਫ ਕਾਰਵਾਈ ਦੀ ਮੰਗ ਕੀਤੀ।