ਪਾਰਟੀ ਦੌਰਾਨ ਪਰਸ ਤੋਂ ਉੱਡੇ 20 ਹਜ਼ਾਰ: CCTV ‘ਚ ਅੱਧਾ ਟੇਬਲ ਹੀ ਕੈਦ, ਪੁਲਿਸ ਕਰ ਰਹੀ ਜਾਂਚ।

ਜਲੰਧਰ, 02 ਅਗਸਤ : Prime Punjab 

ਜਲੰਧਰ ਦੇ ਇੱਕ ਰੈਸਟੋਰੈਂਟ ‘ਚ ਸ਼ਨੀਵਾਰ ਰਾਤ ਨੂੰ ਜੈਸਿਕਾ ਦਾ ਜਨਮਦਿਨ ਮਨਾਇਆ ਜਾ ਰਿਹਾ ਸੀ। 6 ਸਾਲ ਬਾਅਦ ਆਪਣੇ ਦੋਸਤ ਰਾਘਵ ਨਾਲ ਮਿਲ ਕੇ ਉਹ ਬਹੁਤ ਖੁਸ਼ ਸੀ। ਡਾਂਸ, ਗਾਣੇ ਅਤੇ ਹਾਸੇ ਨਾਲ ਮਾਹੌਲ ਖੁਸ਼ਨੁਮਾ ਸੀ।

ਪਾਰਟੀ ਦੌਰਾਨ ਜੈਸਿਕਾ ਨੇ ਆਪਣੇ ਗਿਫ਼ਟ ਅਤੇ ਪਰਸ ਟੇਬਲ ‘ਤੇ ਹੀ ਰੱਖ ਦਿੱਤੇ। ਜਦੋਂ ਬਿੱਲ ਦੇਣ ਦਾ ਸਮਾਂ ਆਇਆ ਤਾਂ ਪਰਸ ਖੋਲ੍ਹ ਕੇ ਦੇਖਿਆ ਤਾਂ ਉਸਦੇ ਹੋਸ਼ ਉੱਡ ਗਏ। ਪਰਸ ‘ਚ ਰੱਖੇ 20,000 ਰੁਪਏ ਨਕਦੀ ਗਾਇਬ ਸਨ ਅਤੇ ਸਿਰਫ਼ ਸਿੱਕੇ ਬਚੇ ਸਨ।

ਤੁਰੰਤ ਰੈਸਟੋਰੈਂਟ ਸਟਾਫ ਨੇ CCTV ਫੁਟੇਜ ਚੈੱਕ ਕੀਤੀ। ਪਰ ਹੈਰਾਨੀ ਦੀ ਗੱਲ ਹੈ ਕਿ ਕੈਮਰੇ ‘ਚ ਸਿਰਫ਼ ਟੇਬਲ ਦਾ ਅੱਧਾ ਹਿੱਸਾ ਹੀ ਰਿਕਾਰਡ ਹੋ ਰਿਹਾ ਸੀ। ਇਸ ਲਈ ਇਹ ਪਤਾ ਨਹੀਂ ਲੱਗ ਸਕਿਆ ਕਿ ਪੈਸੇ ਕੌਣ ਲੈ ਗਿਆ।

ਇਸ ਘਟਨਾ ਤੋਂ ਬਾਅਦ ਦੋਸਤਾਂ ਦੀ ਖੁਸ਼ੀ ‘ਤੇ ਪਾਣੀ ਫਿਰ ਗਿਆ। ਰਾਘਵ ਨੇ ਦੱਸਿਆ ਕਿ ਉਨ੍ਹਾਂ ਨੇ ਤੁਰੰਤ 112 ‘ਤੇ ਕਾਲ ਕਰਕੇ ਪੁਲਿਸ ਨੂੰ ਸੂਚਿਤ ਕੀਤਾ ਹੈ। ਹੁਣ ਪੁਲਿਸ ਜਾਂਚ ਤੋਂ ਬਾਅਦ ਹੀ ਸੱਚ ਸਾਹਮਣੇ ਆਵੇਗਾ।