Pages

Pages

ਮੇਹਰ ਚੰਦ ਪੋਲੀਟੈਕਨਿਕ ਦੇ ਮਕੈਨੀਕਲ ਵਿਦਿਆਰਥੀਆਂ ਦਾ ਵਿੱਦਿਅਕ-ਉਦਯੋਗਿਕ ਦੌਰਾ, ਤਕਨੀਕ ਤੇ ਅਧਿਆਤਮ ਦਾ ਸੰਗਮ।

ਜਲੰਧਰ, 24 ਅਕਤੂਬਰ : Prime Punjab 

ਮੇਹਰ ਚੰਦ ਪੋਲੀਟੈਕਨਿਕ ਕਾਲਜ, ਜਲੰਧਰ ਦੇ *ਮਕੈਨੀਕਲ ਇੰਜੀਨੀਅਰਿੰਗ ਵਿਭਾਗ* ਵੱਲੋਂ ਵਿਦਿਆਰਥੀਆਂ ਲਈ ਵਿੱਦਿਅਕ ਉਦਯੋਗਿਕ ਦੌਰੇ ਦਾ ਆਯੋਜਨ ਕੀਤਾ ਗਿਆ। ਇਹ ਦੌਰਾ *ਪ੍ਰਿੰਸੀਪਲ ਡਾ. ਜਗਰੂਪ ਸਿੰਘ* ਦੀ ਯੋਗ ਅਗਵਾਈ ਅਤੇ *ਵਿਭਾਗ ਮੁਖੀ ਸੁਸ਼੍ਰੀ ਰਿਚਾ ਅਰੋੜਾ* ਦੇ ਮਾਰਗਦਰਸ਼ਨ ਹੇਠ ਕਰਵਾਇਆ ਗਿਆ। ਦੌਰੇ ਦਾ ਮੁੱਖ ਮੰਤਵ ਵਿਦਿਆਰਥੀਆਂ ਦੇ ਤਕਨੀਕੀ ਗਿਆਨ ‘ਚ ਵਾਧਾ ਕਰਨਾ ਅਤੇ ਉਨ੍ਹਾਂ ਨੂੰ ਇੰਡਸਟਰੀ ਦੀ ਕਾਰਜਪ੍ਰਣਾਲੀ ਦਾ ਵਿਹਾਰਕ ਤਜਰਬਾ ਦੇਣਾ ਸੀ।

 

ਦੌਰੇ ਦੌਰਾਨ ਵਿਦਿਆਰਥੀਆਂ ਨੇ ਸਭ ਤੋਂ ਪਹਿਲਾਂ ਚੰਡੀਗੜ੍ਹ ਗੜ੍ਹ ਦੇ *ਏਅਰ ਫੋਰਸ ਹੈਰੀਟੇਜ ਮਿਊਜ਼ੀਅਮ* ‘ਚ ਭਾਰਤੀ ਹਵਾਈ ਸੈਨਾ ਦੇ ਇਤਿਹਾਸ ਤੇ ਤਕਨੀਕੀ ਵਿਕਾਸ ਨੂੰ ਨੇੜਿਓਂ ਜਾਣਿਆ। ਇਸ ਤੋਂ ਬਾਅਦ *ਕਾਲਕਾ ਸਥਿਤ ਨਾਰਦਰਨ ਰੇਲਵੇ ਵਰਕਸ਼ਾਪ* ਦਾ ਦੌਰਾ ਕੀਤਾ, ਜਿੱਥੇ ਹਿਮਾਲੀਅਨ ਰੇਲਵੇ ਦੇ ਰੱਖ-ਰਖਾਅ ਅਤੇ ਇੰਜੀਨੀਅਰਿੰਗ ਪ੍ਰਕਿਰਿਆਵਾਂ ਬਾਰੇ ਜਾਣਕਾਰੀ ਲਈ। *ਪੇਡਾ (PEDA) ਚੰਡੀਗੜ੍ਹ* ‘ਚ ਨਵਿਆਉਣਯੋਗ ਊਰਜਾ, ਊਰਜਾ ਸੰਭਾਲ ਅਤੇ ਟਿਕਾਊ ਵਿਕਾਸ ਬਾਰੇ ਅਹਿਮ ਜਾਣਕਾਰੀ ਹਾਸਲ ਕੀਤੀ।

 

ਸਿਰਫ ਤਕਨੀਕੀ ਹੀ ਨਹੀਂ, ਵਿਦਿਆਰਥੀਆਂ ਦੇ ਸਰਵਪੱਖੀ ਵਿਕਾਸ ਲਈ *ਰਾਮਕ੍ਰਿਸ਼ਨ ਮਿਸ਼ਨ ਆਸ਼ਰਮ, ਚੰਡੀਗੜ੍ਹ* ਵਿਖੇ *ਸਵਾਮੀ ਭੀਤਿਹਰਾਨੰਦ ਜੀ* ਦੀ ਅਗਵਾਈ ‘ਚ ਧਿਆਨ ਸੈਸ਼ਨ ਵੀ ਕਰਵਾਇਆ ਗਿਆ। ਪੰਜਾਬ ਯੂਨੀਵਰਸਿਟੀ ਤੋਂ ਆਏ ਮਹਿਮਾਨ ਬੁਲਾਰੇ ਨੇ ਮਾਨਸਿਕ ਸਿਹਤ, ਸਕਾਰਾਤਮਕ ਸੋਚ, ਅਨੁਸ਼ਾਸਨ ਅਤੇ ਆਤਮ-ਵਿਸ਼ਵਾਸ ‘ਤੇ ਪ੍ਰੇਰਨਾਦਾਇਕ ਭਾਸ਼ਣ ਦਿੱਤਾ। ਨਾਲ ਹੀ ਵਿਦਿਆਰਥੀਆਂ ਨੇ *ਕਸੌਲੀ ਹਿੱਲ ਸਟੇਸ਼ਨ* ‘ਚ ਕੁਦਰਤ ਦਾ ਆਨੰਦ ਵੀ ਮਾਣਿਆ।

 

ਇਸ ਪੂਰੇ ਦੌਰੇ ਨੂੰ *ਲੈਕਚਰਾਰ ਪ੍ਰਭੂ ਦਿਆਲ ਤੇ ਅਮਿਤ ਸ਼ਰਮਾ* ਨੇ ਟੂਰ ਇੰਚਾਰਜ ਵਜੋਂ ਸੁਚਾਰੂ ਢੰਗ ਨਾਲ ਨੇਪਰੇ ਚਾੜ੍ਹਿਆ। ਇਹ ਦੌਰਾ ਕਲਾਸਰੂਮ ਦੇ ਸਿਧਾਂਤਕ ਗਿਆਨ ਨੂੰ ਪ੍ਰੈਕਟੀਕਲ ਨਾਲ ਜੋੜਨ ਵਾਲਾ ਗਿਆਨਵਰਧਕ ਤਜਰਬਾ ਸਾਬਤ ਹੋਇਆ। ਅੰਤ ‘ਚ ਵਿਭਾਗ ਵੱਲੋਂ ਪ੍ਰਿੰਸੀਪਲ ਸਾਹਿਬ ਅਤੇ HOD ਮੈਡਮ ਦਾ ਵਿਸ਼ੇਸ਼ ਧੰਨਵਾਦ ਕੀਤਾ ਗਿਆ।