2 ਮਹੀਨੇ ਬਾਅਦ ਮਿਲੀ ਵਿਦੇਸ਼ ‘ਚ ਪੜ੍ਹਨ ਗਏ ਪੁੱਤ ਦੀ ਲਾਸ਼, ਪਰਿਵਾਰ ਨੂੰ ਸ਼ੱਕ।

Director : Manvir Singh Walia 

Editor : Jatin Kumar Sahota 

ਜਲੰਧਰ, 12 ਜੁਲਾਈ : Prime Punjab 

ਹੈਦਰਾਬਾਦ ਦੇ ਮਨੀਦੀਪ ਰੈੱਡੀ ਦੇ ਪਰਿਵਾਰ ਲਈ ਇਹ ਖ਼ਬਰ ਦਿਲ ਤੋੜਨ ਵਾਲੀ ਹੈ। 18 ਸਾਲਾ ਮਨੀਦੀਪ ਉੱਚੀ ਪੜ੍ਹਾਈ ਲਈ ਫਿਨਲੈਂਡ ਗਿਆ ਸੀ, ਪਰ 5 ਮਈ ਨੂੰ ਹੇਲਸਿੰਕੀ ਦੇ ਇਕ ਮਾਲ ਤੋਂ ਲਾਪਤਾ ਹੋ ਗਿਆ। ਹੁਣ ਉਸਦੀ ਲਾਸ਼ ਹੇਲਸਿੰਕੀ ਦੇ ਸਮੁੰਦਰ ‘ਚੋਂ ਮਿਲੀ ਹੈ। ਭਾਰਤੀ ਦੂਤਘਰ ਨੇ ਇਸਦੀ ਪੁਸ਼ਟੀ ਕੀਤੀ ਹੈ।

ਮਨੀਦੀਪ ਲਾਹਟੀ ‘ਚ ਰਹਿ ਕੇ ਸਾਫਟਵੇਅਰ ਇੰਜੀਨੀਅਰਿੰਗ ਕਰ ਰਿਹਾ ਸੀ। ਉਸਦੇ ਮਾਪੇ ਦੂਰ ਬੈਠੇ ਬੇਟੇ ਦੇ ਵਾਪਸ ਆਉਣ ਦਾ ਇੰਤਜ਼ਾਰ ਕਰ ਰਹੇ ਸਨ। ਪਰ 2 ਮਹੀਨੇ ਬਾਅਦ ਮਿਲੀ ਖ਼ਬਰ ਨੇ ਸਭ ਨੂੰ ਹਿਲਾ ਦਿੱਤਾ।

ਵਕੀਲ ਕੇ.ਐਲ.ਬੀ. ਕੁਮਾਰ ਨੇ ਕਿਹਾ ਕਿ ਪਰਿਵਾਰ ਇਸ ਮੌਤ ਨੂੰ ਸਧਾਰਨ ਹਾਦਸਾ ਨਹੀਂ ਮੰਨਦਾ। ਉਨ੍ਹਾਂ ਦਾ ਸ਼ੱਕ ਹੈ ਕਿ ਜਾਂਚ ‘ਚ ਕਮੀ ਰਹੀ ਹੈ। ਪਰਿਵਾਰ ਨੇ ਸਰਕਾਰ ਅੱਗੇ ਬੇਨਤੀ ਕੀਤੀ ਹੈ ਕਿ ਉਨ੍ਹਾਂ ਨੂੰ ਫਿਨਲੈਂਡ ਭੇਜਿਆ ਜਾਵੇ ਤਾਂ ਜੋ ਉਹ ਖੁਦ ਜਾਂਚ ਦੇਖ ਸਕਣ ਅਤੇ ਬੇਟੇ ਦੀ ਲਾਸ਼ ਦਾ ਅੰਤਿਮ ਦਰਸ਼ਨ ਕਰ ਸਕਣ।