ਭਾਰਤੀ ਅਮਰੀਕੀ ਔਰਤ ਦਾ ਕਤਲ, ਪੁੱਤ ਗੰਭੀਰ ਜ਼ਖਮੀ, ਪਤੀ ਗ੍ਰਿਫ਼ਤਾਰ।

ਜਲੰਧਰ, 12 ਜੁਲਾਈ : Prime Punjab 

ਅਮਰੀਕਾ ਦੇ ਜਾਰਜੀਆ ਰਾਜ ‘ਚ ਭਾਰਤੀ ਅਮਰੀਕੀ ਪਰਿਵਾਰ ‘ਚ ਗੋਲੀਬਾਰੀ ਹੋਈ। 56 ਸਾਲਾ ਕਿਰਕ ਰਿਜ਼ੇਨ ਨੇ ਆਪਣੀ ਪਤਨੀ ਸ਼ੀਤਲ ਰਿਜ਼ੇਨ ਦਾ ਕਤਲ ਕਰ ਦਿੱਤਾ ਅਤੇ ਬੇਟੇ ਜੇਸਨ ਨੂੰ ਗੋਲੀ ਮਾਰ ਕੇ ਜ਼ਖਮੀ ਕਰ ਦਿੱਤਾ। ਘਟਨਾ ਅਟਲਾਂਟਾ ਨੇੜੇ ਸਮਿਰਨਾ ਦੇ ਇਕ ਘਰ ‘ਚ ਵਾਪਰੀ।

ਪੁਲਸ ਮੁਤਾਬਕ ਸ਼ੀਤਲ ਘਰ ਦੇ ਅੰਦਰ ਮ੍ਰਿਤਕ ਮਿਲੀ ਜਦਕਿ ਜੇਸਨ ਬਾਹਰ ਜ਼ਖਮੀ ਹਾਲਤ ‘ਚ ਪਿਆ ਸੀ। ਉਸਨੂੰ ਹਸਪਤਾਲ ਲਿਜਾਇਆ ਗਿਆ ਹੈ। ਆਰੋਪੀ ਕਿਰਕ ਨੂੰ ਪੁਲਸ ਨੇ ਤੁਰੰਤ ਗ੍ਰਿਫ਼ਤਾਰ ਕਰ ਲਿਆ ਹੈ।

ਮਾਮਲੇ ‘ਚ ਕਤਲ, ਹਮਲਾ ਅਤੇ ਆਰਮਜ਼ ਐਕਟ ਦੀਆਂ ਧਾਰਾਵਾਂ ਲਗਾਈਆਂ ਗਈਆਂ ਹਨ। ਮੁਲਜ਼ਮ ਕੋਬ ਕਾਊਂਟੀ ਜੇਲ੍ਹ ‘ਚ ਬੰਦ ਹੈ। ਪੁਲਸ ਦਾ ਕਹਿਣਾ ਹੈ ਕਿ ਕਤਲ ਦਾ ਮਕਸਦ ਅਜੇ ਸਪੱਸ਼ਟ ਨਹੀਂ ਹੋਇਆ ਅਤੇ ਜਾਂਚ ਜਾਰੀ ਹੈ।