ਜਲੰਧਰ ਪੁਲਸ ਕਮਿਸ਼ਨਰੇਟ ਦੀ ਵੱਡੀ ਸਫਲਤਾ: ਵਾਹਨ ਚੋਰੀ ਦੇ 3 ਮੁਕੱਦਮਿਆਂ ‘ਚ 2 ਦੋਸ਼ੀ ਗ੍ਰਿਫਤਾਰ, ਚੋਰੀ ਦੀਆਂ ਐਕਟਿਵਾਵਾਂ ਬਰਾਮਦ।

Director : Manvir Singh Walia 

Editor : Jatin Kumar Sahota 

ਜਲੰਧਰ, 17 ਜੁਲਾਈ : Prime Punjab 

ਪੁਲਸ ਕਮਿਸ਼ਨਰੇਟ ਜਲੰਧਰ ਵੱਲੋਂ ਵਾਹਨ ਚੋਰਾਂ ਖਿਲਾਫ ਚਲਾਈ ਮੁਹਿੰਮ ਦੌਰਾਨ ਵੱਡੀ ਸਫਲਤਾ ਹਾਸਲ ਹੋਈ ਹੈ। ਕਮਿਸ਼ਨਰ ਸ੍ਰੀ ਸਵਪਨ ਸ਼ਰਮਾ IPS ਦੇ ਦਿਸ਼ਾ-ਨਿਰਦੇਸ਼ਾਂ ‘ਤੇ DCP-1 ਅਕਰਸ਼ੀ ਜੈਨ IPS ਅਤੇ ACP ਸੈਂਟਰਲ ਰਾਜੇਸ਼ ਠਾਕੁਰ PPS ਦੀ ਨਿਗਰਾਨੀ ਹੇਠ ਥਾਣਾ ਡਵੀਜ਼ਨ ਨੰਬਰ-4 ਦੀ ਟੀਮ ਨੇ 2 ਦੋਸ਼ੀਆਂ ਨੂੰ ਗ੍ਰਿਫਤਾਰ ਕੀਤਾ ਹੈ।  

ਮਿਤੀ 15.07.2026 ਨੂੰ ASI ਜਸਵਿੰਦਰ ਸਿੰਘ ਨੂੰ ਮੁਖਬਰ ਤੋਂ ਸੂਚਨਾ ਮਿਲੀ ਸੀ ਕਿ ਸੀਵਕ ਚੌਂਕ ਵੱਲੋਂ ਆ ਰਹੀ ਚੋਰੀ ਦੀ ਐਕਟਿਵਾ ਨੰਬਰ PB03AU3659 ‘ਤੇ 2 ਨੌਜਵਾਨ ਸਵਾਰ ਹਨ। ਪੁਲਸ ਨੇ ਨਾਕਾਬੰਦੀ ਕਰਕੇ ਉਨ੍ਹਾਂ ਨੂੰ ਕਾਬੂ ਕਰ ਲਿਆ। ਗ੍ਰਿਫਤਾਰ ਦੋਸ਼ੀਆਂ ਦੀ ਪਛਾਣ ਅਕਾਸ਼ ਪੁੱਤਰ ਗੁੱਸਾ ਵਾਸੀ ਗਲੀ ਨੰਬਰ 1, ਨੇੜੇ ਸ਼ਿਵ ਮੰਦਰ, ਸ਼ੀਤਲ ਨਗਰ ਅਤੇ ਹਰਮਨਦੀਪ ਸਿੰਘ ਉਰਫ ਹਰਮਨ ਪੁੱਤਰ ਬਲਵਿੰਦਰ ਸਿੰਘ ਵਾਸੀ ਗਲੀ ਨੰਬਰ 1, ਨੇੜੇ ਸ਼ਿਵ ਮੰਦਰ, ਸ਼ੀਤਲ ਨਗਰ ਵਜੋਂ ਹੋਈ ਹੈ।  

ਪੁੱਛਗਿੱਛ ਦੌਰਾਨ ਦੋਸ਼ੀਆਂ ਨੇ ਮੰਨਿਆ ਕਿ ਉਨ੍ਹਾਂ ਨੇ ਇਹ ਐਕਟਿਵਾ ਕੁਝ ਦਿਨ ਪਹਿਲਾਂ ਮਾਡਲ ਟਾਊਨ ਜਲੰਧਰ ਤੋਂ ਚੋਰੀ ਕੀਤੀ ਸੀ। ਉਨ੍ਹਾਂ ਖਿਲਾਫ ਮੁਕੱਦਮਾ ਨੰਬਰ 78 ਮਿਤੀ 15.07.2026 ਅ/ਧ 303(2), 317(2), 3(5) BNS ਥਾਣਾ ਡਵੀਜ਼ਨ ਨੰਬਰ-4 ‘ਚ ਦਰਜ ਕੀਤਾ ਗਿਆ ਸੀ।  

ਪੁਲਸ ਨੇ ਦੋਸ਼ੀਆਂ ਪਾਸੋਂ ਮਿਤੀ 17.07.2026 ਨੂੰ ਇੱਕ ਐਕਟਿਵਾ ਰੰਗ ਗਰੇਅ 3G ਬਿਨਾਂ ਨੰਬਰੀ, ਇੱਕ ਐਕਟਿਵਾ ਰੰਗ ਗਰੇਅ 4G ਬਿਨਾਂ ਨੰਬਰੀ, ਇੱਕ OPPO ਮੋਬਾਈਲ ਅਤੇ ਇੱਕ VIVO ਮੋਬਾਈਲ ਵੀ ਬਰਾਮਦ ਕੀਤਾ ਹੈ। ਦੋਵਾਂ ਨੂੰ 16.07.2026 ਨੂੰ ਅਦਾਲਤ ‘ਚ ਪੇਸ਼ ਕਰਕੇ ਇੱਕ ਦਿਨ ਦਾ ਰਿਮਾਂਡ ਹਾਸਲ ਕੀਤਾ ਗਿਆ ਹੈ।