ਪੰਜਾਬ ਪੁਲਿਸ ਨੇ ਸਾਇਬਰ ਧੋਖਾਧੜੀ ‘ਚ 63,749 ਬੈਂਕ ਖਾਤੇ ਫ੍ਰੀਜ਼ ਕੀਤੇ, 64 ਕਰੋੜ ਦੀ ਰਿਕਵਰੀ।

Director : Manvir Singh Walia 

Editor : Jatin Kumar Sahota

ਜਲੰਧਰ, 26 ਜੂਨ : Prime Punjab 

ਪੰਜਾਬ ਪੁਲਿਸ ਦੇ ਰਾਜ ਸਾਇਬਰ ਕ੍ਰਾਈਮ ਡਿਵੀਜ਼ਨ ਨੇ ਪਿਛਲੇ 1 ਸਾਲ ‘ਚ ਸਾਇਬਰ ਧੋਖਾਧੜੀ ਨਾਲ ਜੁੜੇ 63,749 ਬੈਂਕ ਖਾਤੇ ਫ੍ਰੀਜ਼ ਕੀਤੇ। ਇਨ੍ਹਾਂ ਖਾਤਿਆਂ ‘ਚ ਕਰੀਬ 540.34 ਕਰੋੜ ਰੁਪਏ ਦੇ ਧੋਖਾਧੜੀ ਵਾਲੇ ਲੈਣ-ਦੇਣ ਸ਼ਾਮਲ ਸਨ।

ਸਮੇਂ ਸਿਰ ਖਾਤੇ ਫ੍ਰੀਜ਼ ਕਰਨ ਨਾਲ ਰਿਕਵਰੀ ਦਰ 16.13% ਤੋਂ ਵਧ ਕੇ 23.43% ਹੋ ਗਈ। 1 ਜਨਵਰੀ 2025 ਤੋਂ ਬਾਅਦ ਇਕੱਲੇ 38.42 ਕਰੋੜ ਰੁਪਏ ਰਿਕਵਰ ਹੋਏ। ਇਸੇ ਦੌਰਾਨ ਰਾਜ ‘ਚ 62,253 ਸਾਇਬਰ ਕ੍ਰਾਈਮ ਦੇ ਮਾਮਲੇ ਦਰਜ ਹੋਏ।

DGP ਗੌਰਵ ਯਾਦਵ ਨੇ ਕਿਹਾ ਕਿ ਇਸ ਕਾਰਵਾਈ ਨਾਲ ਸਿਰਫ ਪੈਸਾ ਹੀ ਵਾਪਸ ਨਹੀਂ ਮਿਲਿਆ, ਸਗੋਂ ਦੇਸ਼ ਭਰ ‘ਚ ਸਰਗਰਮ ਸੰਗਠਿਤ ਸਾਇਬਰ ਅਪਰਾਧ ਨੈੱਟਵਰਕ ਦਾ ਵੀ ਪਰਦਾਫਾਸ਼ ਹੋਇਆ। 

ਸਭ ਤੋਂ ਵੱਧ ਜਲੰਧਰ ਕਮਿਸ਼ਨਰੇਟ ‘ਚ 16,032 ਖਾਤੇ ਫ੍ਰੀਜ਼, 6.81 ਕਰੋੜ ਰਿਕਵਰੀ। ਇਸ ਤੋਂ ਬਾਅਦ ਕਪੂਰਥਲਾ 7,344 ਖਾਤੇ, ਹੁਸ਼ਿਆਰਪੁਰ 7,201 ਖਾਤੇ, ਫਿਰੋਜ਼ਪੁਰ 6,930 ਖਾਤੇ ਅਤੇ ਤਰਨਤਾਰਨ ‘ਚ 5,229 ਖਾਤੇ ਫ੍ਰੀਜ਼ ਕੀਤੇ ਗਏ।

ਪੁਲਿਸ ਨੇ ਰਾਜ ਭਰ ‘ਚ 129 ਜਾਗਰੂਕਤਾ ਪ੍ਰੋਗਰਾਮ ਕੀਤੇ। ਕੈਨੇਡਾ ‘ਚ ਰਹਿੰਦੇ ਪੰਜਾਬੀ ਨਾਲ ਸੋਸ਼ਲ ਮੀਡੀਆ ‘ਤੇ ਬਲੈਕਮੇਲਿੰਗ ਦਾ ਮਾਮਲਾ ਵੀ ਖੋਲ੍ਹਿਆ, 3 ਮੁਲਜ਼ਮ ਗ੍ਰਿਫ਼ਤਾਰ ਤੇ 3.49 ਲੱਖ + 500 ਡਾਲਰ ਬਰਾਮਦ।