ANTF ਦੀ ਵੱਡੀ ਕਾਰਵਾਈ: ਵਿਦਿਆਰਥੀ ਤਸਕਰ ਕੋਲੋਂ 12 ਕਿੱਲੋ ਹੈਰੋਇਨ ਬਰਾਮਦ, ਕੀਮਤ 60 ਕਰੋੜ।

Director : Manvir Singh Walia 

Editor : Jatin Kumar Sahota 

ਜਲੰਧਰ/ ਫਿਰੋਜ਼ਪੁਰ, 17 ਜੁਲਾਈ : Prime Punjab 

ਸਰਹੱਦ ਪਾਰ ਨਸ਼ਾ ਤਸਕਰੀ ਹੁਣ ਸਿਰਫ ਗੈਂਗਸਟਰਾਂ ਤੱਕ ਸੀਮਤ ਨਹੀਂ ਰਹੀ। ANTF ਵੱਲੋਂ ਫੜਿਆ ਗਿਆ 20 ਸਾਲਾ ਵਿਦਿਆਰਥੀ ਜਗਦੀਸ਼ ਸਿੰਘ ਇਸ ਗੱਲ ਦਾ ਸਬੂਤ ਹੈ ਕਿ ਤਸਕਰ ਹੁਣ ਨੌਜਵਾਨਾਂ ਨੂੰ ਪੈਸੇ ਅਤੇ ‘ਜਲਦੀ ਅਮੀਰ ਬਣਨ’ ਦੇ ਸੁਪਨੇ ਵਿਖਾ ਕੇ ਇਸ ਧੰਦੇ ‘ਚ ਧੱਕ ਰਹੇ ਹਨ।

12 ਕਿੱਲੋ ਹੈਰੋਇਨ ਦੀ ਇਹ ਖੇਪ ਦਰਸਾਉਂਦੀ ਹੈ ਕਿ ਡਰੋਨ ਤਕਨੀਕ ਅਤੇ ਵਰਚੁਅਲ ਨੰਬਰਾਂ ਰਾਹੀਂ ਤਸਕਰੀ ਕਿੰਨੀ ਆਸਾਨ ਹੋ ਗਈ ਹੈ। ਪਾਕਿਸਤਾਨ ਦੇ ਕਸੂਰ ‘ਚ ਬੈਠਾ ‘ਚਾਚਾ’ ਰਿਮੋਟ ਤੋਂ ਪੂਰੇ ਆਪ੍ਰੇਸ਼ਨ ਨੂੰ ਕੰਟਰੋਲ ਕਰ ਰਿਹਾ ਹੈ। ਇਹ ਨਵਾਂ ਮਾਡਲ ਸੁਰੱਖਿਆ ਏਜੰਸੀਆਂ ਲਈ ਵੱਡੀ ਚੁਣੌਤੀ ਹੈ।

ਸਭ ਤੋਂ ਖਤਰਨਾਕ ਗੱਲ ਇਹ ਹੈ ਕਿ ਮੁਲਜ਼ਮ ਪਹਿਲਾਂ ਵੀ 5 ਹਥਿਆਰ ਅਤੇ ਸਾਢੇ 5 ਕਿੱਲੋ ਨਸ਼ਾ ਸਪਲਾਈ ਕਰ ਚੁੱਕਾ ਹੈ। ਇਸ ਦਾ ਮਤਲਬ ਹੈ ਕਿ ਨਵੇਂ ਤਸਕਰਾਂ ਨੂੰ ‘ਟ੍ਰੇਨਿੰਗ’ ਦੇ ਕੇ ਵਰਤਿਆ ਜਾ ਰਿਹਾ ਹੈ।

ਹੁਣ ਪੁਲਸ ਲਈ ਸਵਾਲ ਇਹ ਹੈ ਕਿ ਕੀ ਸਿਰਫ ਕੈਰੀਅਰ ਫੜਨ ਨਾਲ ਇਹ ਨੈੱਟਵਰਕ ਟੁੱਟੇਗਾ, ਜਾਂ ਸਰਹੱਦ ਪਾਰ ਬੈਠੇ ਹੈਂਡਲਰਾਂ ਤੱਕ ਪਹੁੰਚ ਬਣਾਉਣੀ ਪਵੇਗੀ। ਫੋਰੈਂਸਿਕ ਜਾਂਚ ਤੋਂ ਇਸ ਦੇ ਉੱਤਰ ਮਿਲਣ ਦੀ ਉਮੀਦ ਹੈ।