ਜਲੰਧਰ, 12 ਸਤੰਬਰ : Prime Punjab
ਤਿਉਹਾਰੀ ਸੀਜ਼ਨ ਸ਼ੁਰੂ ਹੁੰਦੇ ਹੀ ਜਲੰਧਰ ‘ਚ ਸਿਹਤ ਵਿਭਾਗ ਐਕਸ਼ਨ ਮੋਡ ‘ਚ ਆ ਗਿਆ ਹੈ। ਫੂਡ ਕਮਿਸ਼ਨਰ ਕਮਲਪ੍ਰੀਤ ਕੌਰ ਬਰਾੜ ਅਤੇ ਡਿਪਟੀ ਕਮਿਸ਼ਨਰ ਵਰਜੀਤ ਵਾਲੀਆ ਦੇ ਹੁਕਮਾਂ ‘ਤੇ ਫੂਡ ਸੇਫਟੀ ਵਿੰਗ ਨੇ ਕਿਸ਼ਨਪੁਰਾ ਸਬਜ਼ੀ ਮੰਡੀ ਨੇੜੇ ਮਿਠਾਈ ਦੀਆਂ ਦੁਕਾਨਾਂ ‘ਤੇ ਸਵੇਰੇ 5:30 ਵਜੇ ਦਬਿਸ਼ ਦਿੱਤੀ।
ਟੀਮ ਨੇ ਪਹਿਲਾਂ ਇੱਕ ਗੱਡੀ ਨੂੰ ਰੋਕ ਕੇ ਚੈੱਕ ਕੀਤਾ, ਉਸ ਤੋਂ ਬਾਅਦ 2 ਮਿਠਾਈ ਦੀਆਂ ਦੁਕਾਨਾਂ ‘ਤੇ ਪਨੀਰ ਅਤੇ ਖੋਏ ਦੇ 3 ਸੈਂਪਲ ਭਰੇ। ਦੁਕਾਨ ਸੰਚਾਲਕ ਦੂਜੇ ਜ਼ਿਲ੍ਹੇ ਤੋਂ ਪਨੀਰ ਮੰਗਵਾ ਰਿਹਾ ਸੀ ਪਰ ਉਸ ਦਾ ਬਿੱਲ ਨਹੀਂ ਦਿਖਾ ਸਕਿਆ। ਇਸ ਲਈ 75 ਕਿਲੋ ਸ਼ੱਕੀ ਪਨੀਰ ਨੂੰ ਤੁਰੰਤ ਸੀਜ਼ ਕਰ ਦਿੱਤਾ ਗਿਆ।
ਸੀਜ਼ ਕੀਤੇ ਪਨੀਰ ਦੇ ਸੈਂਪਲ ਲੈਬ ‘ਚ ਭੇਜੇ ਗਏ ਹਨ। ਸਿਹਤ ਅਧਿਕਾਰੀ ਨੇ ਦੱਸਿਆ ਕਿ ਜੇਕਰ ਲੈਬ ਰਿਪੋਰਟ ‘ਚ ਕੋਈ ਖਾਮੀ ਮਿਲੀ ਤਾਂ ਸਾਰਾ ਪਨੀਰ ਸੁੱਟ ਦਿੱਤਾ ਜਾਵੇਗਾ। ਇਹ ਸਪੈਸ਼ਲ ਮੁਹਿੰਮ ਤਿਉਹਾਰਾਂ ‘ਚ ਮਿਲਾਵਟੀ ਸਮਾਨ ਰੋਕਣ ਲਈ ਚਲਾਈ ਜਾ ਰਹੀ ਹੈ।
ਵਿਭਾਗ ਨੇ ਸਾਫ ਕਿਹਾ ਹੈ ਕਿ ਅੱਗੇ ਰੈਸਟੋਰੈਂਟ ਅਤੇ ਹੋਟਲਾਂ ‘ਚ ਵੀ ਚੈਕਿੰਗ ਜਾਰੀ ਰਹੇਗੀ। ਸਾਰੇ ਦੁਕਾਨਦਾਰਾਂ ਨੂੰ ਅਪੀਲ ਕੀਤੀ ਗਈ ਹੈ ਕਿ ਸਾਫ-ਸੁਥਰਾ ਖਾਣਾ ਦੇਣ ਅਤੇ ਹਰ ਸਮਾਨ ਦਾ ਬਿੱਲ ਜ਼ਰੂਰ ਰੱਖਣ। ਮਿਲਾਵਟ ਕਰਨ ਵਾਲਿਆਂ ‘ਤੇ ਸਖਤ ਕਾਰਵਾਈ ਹੋਵੇਗੀ।
More Stories
ਅੰਮ੍ਰਿਤਸਰ ‘ਚ ਪੁਲਿਸ ਦੀ ਵੱਡੀ ਕਾਰਵਾਈ – AK-47 ਤੇ 2 ਹੈਂਡ ਗ੍ਰਨੇਡ ਸਮੇਤ ਵਿਦੇਸ਼ੀ ਹਥਿਆਰ ਤਸਕਰੀ ਨੈੱਟਵਰਕ ਦਾ ਪਰਦਾਫਾਸ਼, ਇੱਕ ਕਾਬੂ।
ਭਾਰਤੀ ਹਾਕੀ ਦਾ ਇਤਿਹਾਸਕ ਡਬਲ ਧਮਾਕਾ: ਪੁਰਸ਼ ਟੀਮ ਨੇ ਮਲੇਸ਼ੀਆ ਨੂੰ 5-1 ਨਾਲ ਹਰਾ ਕੇ ਜਿੱਤਿਆ ਲਗਾਤਾਰ ਦੂਜਾ ਗੋਲਡ, ਹਰਮਨਪ੍ਰੀਤ-ਮਨਪ੍ਰੀਤ ਨੇ ਰਚਿਆ ਇਤਿਹਾਸ।
ਜਲੰਧਰ ਦਿਹਾਤੀ ਪੁਲਿਸ ਦੀ ਵੱਡੀ ਕਾਰਵਾਈ – ਨਕੋਦਰ ‘ਚੋਂ 405 ਕਿਲੋ ਡੋਡੇ ਪੋਸਤ ਸਮੇਤ ਮੁਕਤਸਰ ਦਾ ਤਸਕਰ ਕਾਬੂ, ਮੱਧ ਪ੍ਰਦੇਸ਼ ਤੋਂ ਲਿਆਂਦਾ ਸੀ ਮਾਲ।