ਜਲੰਧਰ, 01 ਨੰਵਬਰ : Prime Punjab
ਜਲੰਧਰ ਦੇ ਪੁਲਿਸ ਲਾਈਨ ਫਲਾਈਓਵਰ ਵਾਲੇ ਭਿਆਨਕ ਹਾਦਸੇ ‘ਚ ਵੱਡਾ ਖੁਲਾਸਾ ਹੋਇਆ ਹੈ। ਪਰਿਵਾਰਕ ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਮੁਤਾਬਕ ਬਰਥਡੇਅ ਪਾਰਟੀ ਤੋਂ ਬਾਅਦ ਨੌਜਵਾਨ ਰੇਸ ਲਗਾ ਰਹੇ ਸਨ। APJ ਕਾਲਜ ਦੇ ਨੇੜਿਓਂ 3 ਗੱਡੀਆਂ ‘ਚ ਰੇਸ ਸ਼ੁਰੂ ਹੋਈ ਸੀ, ਜਿਸ ‘ਚ ਇੱਕ ਫੋਕਸਵੈਗਨ, ਇੱਕ ਥਾਰ ਅਤੇ ਇੱਕ ਸਕੋਡਾ ਸ਼ਾਮਲ ਸੀ।
ਦੱਸਿਆ ਜਾ ਰਿਹਾ ਹੈ ਕਿ ਫੋਕਸਵੈਗਨ ‘ਚ ਸਵਾਰ ਨੌਜਵਾਨ ਜਲੰਧਰ ਦੇ ਸਨ, ਜਦਕਿ ਥਾਰ ਅਤੇ ਸਕੋਡਾ ‘ਚ ਸਵਾਰ ਦੋਸਤ ਚੰਡੀਗੜ੍ਹ ਤੋਂ ਆਏ ਹੋਏ ਸਨ। ਤੇਜ਼ ਰਫ਼ਤਾਰ ‘ਚ ਰੇਸ ਦੌਰਾਨ ਹੀ ਫੋਕਸਵੈਗਨ ਬੇਕਾਬੂ ਹੋ ਕੇ ਫਲਾਈਓਵਰ ‘ਤੇ ਖੜ੍ਹੀ ਨਗਰ ਨਿਗਮ ਦੀ ਟਰਾਲੀ ‘ਚ ਜਾ ਵੱਜੀ, ਜਿਸ ‘ਚ 2 ਦੀ ਮੌਤ ਹੋ ਗਈ।
ਹਾਦਸੇ ਤੋਂ ਬਾਅਦ ਮੌਕੇ ‘ਤੇ ਹੰਗਾਮਾ ਵੀ ਹੋਇਆ। ਜਾਣਕਾਰੀ ਮੁਤਾਬਕ ਹਾਦਸੇ ਤੋਂ ਬਾਅਦ ਟਰਾਲੀ ਚਾਲਕ ਨਾਲ ਬਹਿਸ ਹੋਈ ਅਤੇ ਫਿਰ ਬਾਕੀ ਦੋ ਗੱਡੀਆਂ ‘ਚ ਸਵਾਰ ਚੰਡੀਗੜ੍ਹ ਵਾਲੇ ਦੋਸਤ ਮੌਕੇ ਤੋਂ ਫਰਾਰ ਹੋ ਗਏ। ਉਨ੍ਹਾਂ ਨੇ ਜ਼ਖਮੀਆਂ ਨੂੰ ਸੰਭਾਲਣ ਦੀ ਬਜਾਏ ਭੱਜਣਾ ਮੁਨਾਸਿਬ ਸਮਝਿਆ।
ਫਿਲਹਾਲ ਥਾਣਾ ਬਾਰਾਦਰੀ ਦੀ ਪੁਲਿਸ ਇਸ ਐਂਗਲ ਤੋਂ ਵੀ ਜਾਂਚ ਕਰ ਰਹੀ ਹੈ। ਪੁਲਿਸ ਹੁਣ CCTV ਫੁਟੇਜ ਖੰਗਾਲ ਰਹੀ ਹੈ ਤਾਂ ਜੋ ਥਾਰ ਅਤੇ ਸਕੋਡਾ ਗੱਡੀਆਂ ਦੀ ਪਛਾਣ ਹੋ ਸਕੇ ਅਤੇ ਫਰਾਰ ਹੋਏ ਨੌਜਵਾਨਾਂ ਤੋਂ ਪੁੱਛਗਿੱਛ ਕੀਤੀ ਜਾ ਸਕੇ।




More Stories
ਡੀ.ਏ.ਵੀ. ਯੂਨੀਵਰਸਿਟੀ ‘ਚ ਏ.ਆਈ.ਯੂ. ਉੱਤਰੀ ਜ਼ੋਨ ਵਾਲੀਬਾਲ ਚੈਂਪੀਅਨਸ਼ਿਪ ਸ਼ੁਰੂ, 97 ਯੂਨੀਵਰਸਿਟੀਆਂ ਦੀਆਂ ਟੀਮਾਂ ਲੈ ਰਹੀਆਂ ਭਾਗ।
ASI ਇਕਬਾਲ ਸਿੰਘ ਕਤਲ ਕੇਸ ‘ਚ AGTF ਨੂੰ ਵੱਡੀ ਸਫਲਤਾ, ਦੂਜਾ ਸ਼ੂਟਰ ਅੰਮ੍ਰਿਤਸਰ ਤੋਂ ਗ੍ਰਿਫ਼ਤਾਰ, ਦੋਵੇਂ ਸ਼ੂਟਰ ਕਾਬੂ।
ਗੁਰੂ ਨਾਨਕ ਦੇਵ ਜੀ ਦੇ ਪ੍ਰਕਾਸ਼ ਪੁਰਬ ਮੌਕੇ ਵਿਸ਼ਾਲ ਨਗਰ ਕੀਰਤਨ ਦਾ ਭਾਜਪਾ ਨੇ ਕੀਤਾ ਸ਼ਾਨਦਾਰ ਸਵਾਗਤ, ਫੁੱਲਾਂ ਦੀ ਵਰਖਾ ਤੇ ਪ੍ਰਸ਼ਾਦ ਵੰਡਿਆ।