ਗੰਗਾਨਗਰ, 15 ਨਵੰਬਰ : Prime Punjab
ਰਾਜਸਥਾਨ ਦਾ ਧਮਾਕਾ, ਪੰਜਾਬ ‘ਚ ਹਿਲਜੁਲ 3 ਨਵੰਬਰ ਦੀ ਰਾਤ ਕਰੀਬ 9:45 ਵਜੇ ਸ੍ਰੀ ਗੰਗਾਨਗਰ ‘ਚ ਰਾਮਸਿੰਘਪੁਰ ਨੇੜੇ ਰੇਲਵੇ ਟਰੈਕ ‘ਤੇ ਹੋਏ ਧਮਾਕੇ ਨੇ ਸਭ ਨੂੰ ਹਿਲਾ ਦਿੱਤਾ ਸੀ। ਧਮਾਕੇ ‘ਚ 2 ਸਲੀਪਰ ਟੁੱਟ ਗਏ ਤੇ ਟਰੈਕ ‘ਚ ਢਾਈ ਫੁੱਟ ਡੂੰਘਾ ਟੋਆ ਪੈ ਗਿਆ ਸੀ। ਹੁਣ ਇਸ ਮਾਮਲੇ ‘ਚ *ਰਾਜਸਥਾਨ ATS, ਗੰਗਾਨਗਰ ਪੁਲਿਸ ਤੇ ਪੰਜਾਬ ਪੁਲਿਸ* ਦੇ ਸਾਂਝੇ ਆਪ੍ਰੇਸ਼ਨ ‘ਚ ਗੁਰਦਾਸਪੁਰ ਦੇ ਸਰਹੱਦੀ ਪਿੰਡਾਂ ਤੋਂ 2 ਜਣੇ ਫੜੇ ਗਏ ਹਨ।
ਫੜੇ ਗਏ ਮੁਲਜ਼ਮਾਂ ਦੀ ਪਛਾਣ *21 ਸਾਲਾ ਮਹਿਕਦੀਪ ਕੌਰ (ਪਿੰਡ ਦੋਸਤਪੁਰ)* ਤੇ *22 ਸਾਲਾ ਦਵਿੰਦਰ ਸਿੰਘ (ਪਿੰਡ ਚੋੜਾਕਲਾਂ)* ਵਜੋਂ ਹੋਈ ਹੈ। ਪੁਲਿਸ ਮੁਤਾਬਕ ਮਹਿਕਦੀਪ ਪਾਕਿਸਤਾਨ ‘ਚ ਬੈਠੇ 2 ਹੈਂਡਲਰਾਂ ‘ਚਾਚਾ’ ਤੇ ‘ਸ਼ਾਹ’ ਦੇ ਸੰਪਰਕ ‘ਚ ਸੀ। ਦੋਸ਼ ਹੈ ਕਿ ISI ਹੈਂਡਲਰ ਰੋਮਾਂਟਿਕ ਗੱਲਾਂ ਤੇ ਪੈਸੇ ਦਾ ਲਾਲਚ ਦੇ ਕੇ ਕਮਜ਼ੋਰ ਔਰਤਾਂ ਨੂੰ ਫਸਾਉਂਦੇ ਹਨ। ਮਹਿਕਦੀਪ ਨੂੰ ਵੀ ਟਰੈਕ ਉਡਾਉਣ ਲਈ ਪੈਸੇ ਦਿੱਤੇ ਗਏ ਸਨ। ਉਸ ਕੋਲੋਂ *2 ਹਥਿਆਰ, 46 ਕਾਰਤੂਸ ਤੇ 30,000 ਰੁਪਏ* ਵੀ ਬਰਾਮਦ ਹੋਏ ਹਨ। 3 ਹੋਰ ਲੋਕਾਂ ਨੂੰ ਵੀ ਰਿਹਾਇਸ਼ ਤੇ ਬਾਈਕ ਦੇਣ ਦੇ ਦੋਸ਼ ‘ਚ ਹਿਰਾਸਤ ‘ਚ ਲਿਆ ਗਿਆ ਹੈ।
ਪਰਿਵਾਰ ਨੇ ਕੀ ਕਿਹਾ? ਦੋਸਤਪੁਰ ‘ਚ ਪਰਿਵਾਰ ਨੇ ਕੈਮਰੇ ‘ਤੇ ਸਾਫ਼ ਕਿਹਾ ਕਿ ਮਹਿਕਦੀਪ ਲੰਬੇ ਸਮੇਂ ਤੋਂ ਉਨ੍ਹਾਂ ਤੋਂ ਅਲੱਗ ਰਹਿ ਰਹੀ ਸੀ ਤੇ ਕਿਸੇ ਦੀ ਨਹੀਂ ਸੁਣਦੀ ਸੀ। ਮਾਂ ਮੁਤਾਬਕ ਉਸਨੇ ਆਪਣੀ ਮਰਜ਼ੀ ਨਾਲ ਵਿਆਹ ਕੀਤਾ, 6 ਮਹੀਨੇ ਬਾਅਦ ਹੀ ਤਲਾਕ ਦੇ ਦਿੱਤਾ। ਉਸਦਾ ਪਤੀ ਵੀ ਨਸ਼ਾ ਤਸਕਰੀ ‘ਚ ਜੇਲ੍ਹ ‘ਚ ਹੈ। ਧਮਾਕੇ ਤੋਂ 2 ਦਿਨ ਪਹਿਲਾਂ ਉਹ ਦੋਸਤ ਨੂੰ ਮਿਲਣ ਦਾ ਬਹਾਨਾ ਲਾ ਕੇ ਘਰੋਂ ਗਈ ਤੇ 4-5 ਦਿਨ ਬਾਅਦ ਵਾਪਸ ਆਈ। ਪਰਿਵਾਰ ਦਾ ਕਹਿਣਾ ਹੈ ਕਿ ਬਲਾਸਟ ‘ਚ ਉਸਦੀ ਸ਼ਮੂਲੀਅਤ ਬਾਰੇ ਉਨ੍ਹਾਂ ਨੂੰ ਕੁਝ ਨਹੀਂ ਪਤਾ।
SSP ਗੁਰਦਾਸਪੁਰ ਆਦਿੱਤਿਆ ਨੇ ਕਿਹਾ ਕਿ ਰਾਜਸਥਾਨ ਟੀਮਾਂ ਦੀ ਸੂਚਨਾ ‘ਤੇ ਪੂਰਾ ਸਹਿਯੋਗ ਦਿੱਤਾ ਗਿਆ। ਜਾਂਚ ਅਜੇ ਜਾਰੀ ਹੈ, ਹੋਰ ਵੱਡੇ ਖੁਲਾਸੇ ਹੋ ਸਕਦੇ ਹਨ।



More Stories
ਡੀ.ਏ.ਵੀ. ਯੂਨੀਵਰਸਿਟੀ ‘ਚ ਏ.ਆਈ.ਯੂ. ਉੱਤਰੀ ਜ਼ੋਨ ਵਾਲੀਬਾਲ ਚੈਂਪੀਅਨਸ਼ਿਪ ਸ਼ੁਰੂ, 97 ਯੂਨੀਵਰਸਿਟੀਆਂ ਦੀਆਂ ਟੀਮਾਂ ਲੈ ਰਹੀਆਂ ਭਾਗ।
ASI ਇਕਬਾਲ ਸਿੰਘ ਕਤਲ ਕੇਸ ‘ਚ AGTF ਨੂੰ ਵੱਡੀ ਸਫਲਤਾ, ਦੂਜਾ ਸ਼ੂਟਰ ਅੰਮ੍ਰਿਤਸਰ ਤੋਂ ਗ੍ਰਿਫ਼ਤਾਰ, ਦੋਵੇਂ ਸ਼ੂਟਰ ਕਾਬੂ।
ਗੁਰੂ ਨਾਨਕ ਦੇਵ ਜੀ ਦੇ ਪ੍ਰਕਾਸ਼ ਪੁਰਬ ਮੌਕੇ ਵਿਸ਼ਾਲ ਨਗਰ ਕੀਰਤਨ ਦਾ ਭਾਜਪਾ ਨੇ ਕੀਤਾ ਸ਼ਾਨਦਾਰ ਸਵਾਗਤ, ਫੁੱਲਾਂ ਦੀ ਵਰਖਾ ਤੇ ਪ੍ਰਸ਼ਾਦ ਵੰਡਿਆ।