ਮਜੀਠਾ ‘ਚ ਨੌਜਵਾਨ ਦੇ ਕਤਲ ਤੋਂ ਬਾਅਦ ਲਾਸ਼ ਸਾੜਨ ਦਾ ਮਾਮਲਾ: ਲੜਕੀ ਤੇ ਪਰਿਵਾਰ ਖਿਲਾਫ ਕੇਸ ਦਰਜ।

Director : Manvir Singh Walia 

Editor : Jatin Kumar Sahota 

ਜਲੰਧਰ, 16 ਜੁਲਾਈ : Prime Punjab 

ਅੰਮ੍ਰਿਤਸਰ – ਮਜੀਠਾ ਹਲਕੇ ‘ਚ ਸੰਦੀਪ ਸਿੰਘ ਨਾਮ ਦੇ ਨੌਜਵਾਨ ਦੀ ਅੱਗ ਨਾਲ ਹੋਈ ਮੌਤ ਦਾ ਮਾਮਲਾ ਹੁਣ ਕਤਲ ਦਾ ਰੂਪ ਲੈ ਚੁੱਕਾ ਹੈ। ਪੁਲਸ ਜਾਂਚ ਤੋਂ ਬਾਅਦ ਪਤਾ ਲੱਗਾ ਹੈ ਕਿ ਸੰਦੀਪ ਦਾ ਕਤਲ ਕਰਕੇ ਲਾਸ਼ ਨੂੰ ਪੈਟਰੋਲ ਨਾਲ ਸਾੜਨ ਦੀ ਕੋਸ਼ਿਸ਼ ਕੀਤੀ ਗਈ। ਮ੍ਰਿਤਕ ਦੇ ਭਰਾ ਦੇ ਬਿਆਨਾਂ ਦੇ ਆਧਾਰ ‘ਤੇ ਮਜੀਠਾ ਪੁਲਸ ਨੇ ਰਾਜਵਿੰਦਰ ਕੌਰ ਉਰਫ਼ ਰਾਜ ਅਤੇ ਉਸਦੇ ਪਰਿਵਾਰਕ ਮੈਂਬਰਾਂ ਖਿਲਾਫ ਐਫ.ਆਈ.ਆਰ ਦਰਜ ਕਰ ਲਈ ਹੈ।  

ਥਾਣਾ ਮੁੱਖੀ ਇੰਸਪੈਕਟਰ ਕਰਮਪਾਲ ਸਿੰਘ ਰੰਧਾਵਾ ਨੇ ਦੱਸਿਆ ਕਿ ਸਵੇਰੇ 8 ਵਜੇ ਇੱਕ ਔਰਤ ਸੰਦੀਪ ਦੇ ਘਰ ਆਈ ਸੀ ਅਤੇ ਫੋਨ ਨਾ ਚੁੱਕਣ ‘ਤੇ ਉਸਨੂੰ ਸਾੜ ਦੇਣ ਦੀ ਧਮਕੀ ਦਿੱਤੀ ਸੀ। ਦੁਪਹਿਰ 12:30 ਵਜੇ ਸੰਦੀਪ ਨੇ ਭਰਾ ਨੂੰ ਫੋਨ ‘ਤੇ ਦੱਸਿਆ ਕਿ ਉਹ ਉਸੇ ਔਰਤ ਦੇ ਘਰ ਖਾਸਾ ਪੱਤੀ ਜਾ ਰਿਹਾ ਹੈ। ਉਸਨੇ ਕਿਹਾ ਸੀ ਕਿ ਜੇ ਉਹ ਵਾਪਸ ਨਾ ਆਵੇ ਤਾਂ ਉਸ ਔਰਤ ਅਤੇ ਪਰਿਵਾਰ ਜ਼ਿੰਮੇਵਾਰ ਹੋਣਗੇ।  

ਪੁਲਸ ਮੁਤਾਬਕ ਮੁਲਜ਼ਮਾਂ ਨੇ ਸੰਦੀਪ ਨੂੰ ਘਰ ਬੁਲਾ ਕੇ ਕਤਲ ਕੀਤਾ ਅਤੇ ਫਿਰ ਲਾਸ਼ ਨੂੰ ਠਿਕਾਣੇ ਲਾਉਣ ਲਈ ਅੱਗ ਲਗਾ ਦਿੱਤੀ। ਇਸ ਮਾਮਲੇ ‘ਚ ਲੜਕੀ, ਉਸਦੀ ਮਾਂ ਅਤੇ ਚਚੇਰੇ ਭਰਾ ਖਿਲਾਫ BNS ਦੀ ਧਾਰਾ 103, 238, 61(2) ਤਹਿਤ ਕੇਸ ਦਰਜ ਕਰਕੇ ਜਾਂਚ ਜਾਰੀ ਹੈ।